Wikipedia:Questiones frequente
De Wikipedia, le encyclopedia libere
[modificar] Q: FAQ? Que es?
R: Le intention de un FAQ es fornir un lista de tote le questiones demandate le plus frequentemente, a fin que le administrator de un sito o le participantes de un gruppo de discussion sia discargate de responder al mesme questiones pro le millionesime vice.
Le acronymo proveni del anglese, in que illo siginifica Frequently Asked Questions. In interlingua, face vostre selection:
- Folio A Questiones
- Feria A Questiones
- Foro A Questiones
- Folio Autoexplicatori de Questiones
- Folio de Auxilio / Adjuta pro vostre Questiones
- Fundamento Absolute de Questiones
- Face Altere Questiones
- Ferdinando Ama Questionar
- Flagellation Al Questionatores
- Facilitate contra esser Affollate per Questionatores
- Facultate contra le Accumulation de Questiones
- Familiarisa te Ante que tu Questiona
(Gratias al participantes in iste discussion in le gruppo Usenet europa.linguas.)
[modificar] Q: Proque usar le button [Monstrar previsualisation] quando on pote directemente usar le button [Salvar articulo] pro immagazinar le texto?
R: Wikipedia debe conservar cata version salvate, e isto consume spatio in le discos dur del servitores del Fundation Wikimedia, e rende le lista de historia multo longe. Utilisa plus frequentemente le button [Monstrar previsualisation] pro visualisar le resultato de tu modification. Quando tu es satisfacite con le resultato, alora tu pote usar le button [Salvar articulo] pro salvar lo.
[modificar] Q: Es possibile adder imagines al paginas?
R: Si. Le formato a usar es: [[Imagine:nomine.for]] (nomine del imagine; 'for' es formato: "png", "jpg", etc.). Vide Wikimedia Commons.
Pro utilisar un imagine se necessita un del sequente preconditiones:
- On lo carga al servitor de Wikipedia in Interlingua con le option Cargar file del menu al sinistra de omne pagina.
- Le imagine jam existe in Wikimedia Commons. Le imagine es disponibile a omne Wikipedia. Es possibile referer a illo sin action ulterior, como si le imagine existerea localmente in Wikipedia in Interlingua.
Si le relevantia de un imagine non es limitate a Wikipedia in Interlingua specificamente, il es clar que cargar lo a Wikimedia Commons es preferite, assi que tote le Wikipedias pote disponer de illo.
Il non es plus possibile includer imagines per referentia directe a lor adresses URL.
[modificar] Q: Que facer si un mesme parola ha plure significatos?
R: Si un parola ha plure significatos o coperi plure subjectos diverse, nos lo appella un parola ambigue. Pro omne parola ambigue, per favor face un articulo separate pro cata subjecto; il non es desirabile que un singule articulo tracta plure subjectos multo diverse simplemente proque illos se denomina con le mesme parola. Iste processo de facer articulos separate se appella disambiguation. Como facer:
- In le titulo de cata articulo separate, include un parola inter parentheses que describe le thema, de modo que le titulo non es ambigue. Un exemplo simple: Organo (anatomia) e Organo (musica). (Clarmente, il existe parolas con plus de duo significatos!)
- Face un altere pagina, titulate con solmente le parola ambigue, que se refere al articulos specific. In iste si-nominate pagina de disambiguation, per favor include le etiquetta:
{{Patrono:Disambiguation}}. Iste etiquetta insere un breve explication, e include le pagina in le categoria pro paginas de disambiguation. Un exemplo de un pagina de disambiguation es Organo.
Nota que il non es necessari que tote le articulos listate in un pagina de disambiguation de facto existe; per favor face un lista de tote le significatos possibile del parola con ligamines a titulos plausibile de articulos futur, assi que un altere contributor pote facilemente crear iste articulos.
[modificar] Q: Es possibile inserer parte de texto proveniente ab altere paginas, pro evitar de repeter le mesme texto in plure paginas?
R: Si, pro un fragmento de texto que retorna multe vices in articulos diverse, es possible definir un patrono (template in anglese) in un pagina titulate, per exemplo, "Patrono:Exemplo". On refere al patrono in iste pagina con le etiquetta {{Patrono:Exemplo}}, causante le insertion de tote le texto del patrono in loco del etiquetta. Le version anglese {{Template:Exemplo}} functiona equalmente.
[modificar] Q: Como se monstra un codice Wiki o HTML o un adresse URL sin que illo sia interpretate?
R: Pro evitar que un URL o altere instruction sia interpretate, es necessari scriber lo inter le etiquettas <nowiki> e </nowiki> assi:
<nowiki>http://bowks.net/wiki/ia/ia-wikipedia.jpg</nowiki><nowiki>[[Wikipedia:Exemplo|Exemplo de un ligamine wiki]]</nowiki><nowiki><B><I>Iste texto esserea grasse e cursive, si illo esseva interpretate.</I></B></nowiki>
Vide tamben: Wikipedia:Como formatar texto.
[modificar] Q: Esque il ha un mailing-list re Wikipedia in Interlingua?
R: Si. Il ha un mailing-list in interlingua re Wikipedia. Vide: http://www.coollist.com/group.cgi?l=wikipedia_interlingua pro informationes e pro abonar te. Benvenite!
