Help:Contents
From Wikipedia
Maysa a nawaya nga ensiklopedia ti Wikipedia a pagtitinnulongan nga isursurat wenno ar-aramiden ken tagtaginayonen dagiti agduduma a tattao iti lubong iti agduduma met a pagsasao wenno lengguahe. Ti Wikipedia ket maysa a wiki a mabalin a baliwan ti uray asino man. Babaen ti panangklik iti buton wenno tab a baliwan iti ngatuen ti kada panid, mabalinmo a balbaliwan wenno nayonan ken tarimaanen ti ania man nga articulo iti Wikipedia (malaksid kadagiti protektado a panid a dagiti laeng sysops ken administradores ti mabalin a makabaliw wenno mangpunas).
Dagiti sumaganad ket sumagmamano a tulong wenno saranay maipapan iti panagbasa, panagsurat, panagipatarus, ken pannakikumpog ken pannakikadu iti gimong ti Wikipedia.
Linaon |
Panangsiwarak iti Wikipedia
Aglaon ti Wikipedia iti nakaad-adu a pempen ken nakatiponan ti impormasion maipapan iti agduduma a topiko. Sarungkaran ti pakabuklan dagiti articulo tapno masukisok dagiti agsasabali a topiko.
Mabalin met a mangibati iti komento wenno makuna maipapan kadagiti articulo babaen kadagiti panid ti saritaan (talk pages) wenno diskusion.
No adda topiko a dimo masarakan ken awan pay iti Wikipedia, mapan laeng iti naisangrat a panid a pagtutongtungan ket agsaludsod wenno agipakdaar sadiay. Wenno saan, mabalin ti mangnayon iti baro a topiko iti panid dagiti kiddaw wenno dawat nga articulo.
Panangbalbaliw iti panid
Mabalin a baliwan wenno sukatan ti uray asino man dagiti panid iti Wikipedia (uray man pay daytoy a mismo a panid!). Awan ti kualipikasion a masapul ken saan a nasken nga ag-log in. Ngem kasayaatan met laeng ti panagrehistro tapno maka-log in tapno adda maymaysa a nagan wenno birngas nga ar-aramaten.
Usaren laeng ti Wikipedia a kas kadagiti sabali pay nga ensiklopedia. No makakita iti parikut wenno biddut iti ispeling wenno grammar wenno no nakiro ti pannakaisurat ti articulo, nawaya ti asino man ang mangbaliw ken mangtarimaan. Di bumdeng a mangedit iti panid. No patien a mabalin pay a pasayaaten ken papintasen ti maysa nga articulo, aramiden latta. No met agputputar iti articulo, di agaripapa wenno agdanag amangan no adu ti kammali wenno biddut. Ti napateg ket adda narugian wenno nainayon a panid. No adda biddut, addanto dagiti madadaan a mangatur.
Adda dagiti pagannurotan ditoy Wikipedia a mabalin nga umuna a basaen ken adalen, nangnangruna a maysa ti annuroten a neutral point of view wenno NPOV nga awan ti ay-ayonan a maymaysa a kapanunotan a kayatna a sawen, nasken nga awan ti idumduma wenno ilaklaksid ti maysa nga articulo ket masapul a laonen ken ibagianna amin dagiti agduduma a kapanunotan ti amin.
Adda iti babaen ti GNU Free Documentation License (GFDL) ti amin a karbengan iti amin-amin a naipan iti Wikipedia. Patpatalgedan ti GFDL a patinayon a maiparangkap a nawaya ti Wikipedia iti agnanayon (Kitaen ti Wikipedia:Dagiti Copyright para iti ad-adu pay nga informasion).
Panagsurat ken panagedit
Maipapan iti panangirugi, panagedit wenno panangbaliw iti panid, kitaen pay dagiti sumaganad:
- Kasano ti Mangirugi iti Baro a Panid
- Kasano ti Mangbaliw iti Panid
- Annuroten iti Grammar ken Ispeling
