Hülya Avşar

Ji Wîkîpediya

Hülya Avşar

Hülya Avşar (yan Hulya Avşar) (* 10'ê kewçêrê 1963 Balikesîr) hunermenda bi koka xwe kurd ya Tirkîyêye ko di warên zarvekirinê û stranbêjîyê da navdar e.

Jiyana xwe ya hunerî bi tevayî bi zimanê Tirkî meşandiye û hêj jî wisa ye.

[biguherîne] Jiyana hunerî

Wê li xwîndina xwe li Ankara Cumhuriyet Lisesi dawî kir. Li sala 1982ê tevî malbata xwe çûn Stenbolê. Di kêbirkêyeka bedewîyê da ko kovara Bolvar birêvedibir, bû bedewa yekê. Li sala 1983ê bi lîstina di filma Herem da hundirê cîhana filman bû. Bi dû ra di zêdetir ji 70 filman da rolê serekî lîst. Wê xelatê baştirîn lîstikvanê Festîvala Filman ya Moskoyê wergirt.

Ew hînî mûsîqayê jî bû û dest bi stranbêjîyê kir. Wê gelek konser li Tirkîyê birêvebirin. Heta niha 6 albumên wê yên stranan derkevtine. EW li sala 2001ê ji alîyê Kral TV ya Tirkan ve wekî baştirîn stranbêja jin hat hilbijartin.

Her di sala 2001ê da, wê dest bi nivîsîna quncikan di rojnameya Gunaydin da kir. EW sernivîsera Kovareka heyvane bi navê Hülya ye.

Bernameyeka mêhvandarîya televizyonî bi navê Hülya Avşar Show di televizyonên Tirkan da birêve dibit. Vexwîndina hunermendê Kurd Ciwan Haco bo wê bernameyê, di dema xwe da, bûyerek bû.

Ew bi awayekê pîşekarane (profesyonel) tenîsê jî dilîzit û li sala 2001ê bû qehremana TEDyê.

Hulya bi Kaya Çilingiroğlu ra zewicî bû, lê li sala 2005ê jê cuda bû. Wê ji Kayayî keçikek bi navê Zehrayê heye.