Mehmed Uzun

Ji Wîkîpediya

Mehmed Uzun

Ev gotar ser romannûsê Mehmed Uzun e. Ji bo zimannasê Zazakî, binêre: Mehmed Uzun (Zazakî)

Mehmed Uzun (1953-) nivîskarekê kurd e. Heft roman û gelek ceribandin, lêkolîn û helbest nivîsîne û weşandine. Helbesteka wî ya dirêj bi navê Destana Egîdekî ji layê hunermend Ciwan Hacoyî hatîye strandin.

Mehmet Uzun tenê bi kurdî nanivîsit, gelek berhem bi zimanê tirkî û swedî jî nivîsîne.

Îro hinek kes wî wekî serkêşê romana kurdî a modern dipejirînin, her çiqas ev cihê nîqaşê bit jî, lê rastî ew e ko ew ji wan kesan e ko berhemên wî herî zêde dihên xwendin û hezkirin. Bi taybetî hêjayîya romana Sîya Evînê û Ronî Mîna Evînê Tarî Mîna Mirinê gelek berçavtir e. Ji xwe ev herdû berhem bo zimanên bîyanî jî hatîne wergerandin.

Mehmed Uzun li sala 1953ê li gundê Sivêrek a ser bi Rihayê (Orfayê) hat dinyayê. Ji ber xebata wî ya nivîsîna bi zimanê dayîkê çend caran ji alîyê desthelata Tirkan ve hat zîndankirin. Her ji ber wan gefeyên li ser jiyana xwe, li havîna sala 1977ê ji Tirkiyê derket û heyameka dirêj li Swêdê ma. Endamekê çeleng ê PEN ê û Yekûtûya Nivîskarên Swedê e. Li sala 2001ê xelata Torgny Segerstedt wergirt. Ew li sala 2005ê vegerîya Tirkîyê û li Stenbolê ma. Li dawiya wê salê (2005ê) ji alîyê wezareta rewşenbîrîyê a hukmeta Herêma Kurdistanê li Hevlêra paytext hat xelat kirin. Lê mixabin ko li 29ê meha Gulana 2006ê hat zanîn ko tûşî nesaxîyeka giran (şêrpenceyê) bûye. Li destpêkê, ew li nexweşxaneya zanîngeha Karolînskayê li Stokholma Swêdê hat nivandin. Ew ji bo çareserê ber bi Amerikayê jî hat şandin. Ew niha li bakurê Kurdistanê e. Berî nesaxkevtinê, Mehmed Uzun mijûlî nivîsîna romaneka nû bi navê "Hêvîya Auerbauch"î bû.

Tabloya Naverokê

1 Berhem
2 Nivîsar
- 2.1 Bi Kurdî
- 2.2 Bi Inglîzî
3 Lînkên derve

[biguherîne] Berhem

Tu - (Dengê Komal-1984, 220 p.)
Rojek ji rojên Evdalê Zeynikê - (Orfeus, 1987, 154 p.)
Mirina Kalekî Rind (Orfeus, 1989, 119 p.)
Siya Evînê - (Orfeus, 1991, 220 p.)
Destpêka Edebiyata Kurdî - 1992
Antolojiya Edebiyata Kurdî - 2 cild, 1995
Bira Qedere - (Sara, 1995, 252 p.) ISBN 975-7112-67-4
Ziman û Roman - Weşanên Nûjen, 1996
Ronî Mîna Evînê Tarî Mîna Mirinê - (Avesta-1998) ISBN 975-7112-38-0
Hawara Dîcleyê - (Avesta-2001, 302 p., 2 cild)
Gök Kuşağının Yedi Rengi Bi Tirkî
Hêz û Bedewiya Pênûsê Ceribandin, 1993
Zincirlenmiş Zamanlar Zincirlenmiş Sözcükler Deneme(Tirkî), 2002;
Dengbêjlerim Deneme, 1998
Nar Çiçekleri Deneme, 1996

[biguherîne] Nivîsar

[biguherîne] Bi Kurdî

[biguherîne] Bi Inglîzî

Mehmed Uzun, "Words Washed by the Waters of the Euphrates", International Journal of Kurdish Studies, Vol.14, No. 1&2,pp.36-40, 2000.
Mehmed Uzun, The Kurdish Renaissance in Exile, The Journal of the International Parliament of Writers, Vol. 1, Jan. 2001, pp.67-78.
Mehmed Uzun, The Nature of Fiction, Index on Censorship Journal, vol.4, 2001.
Mehmed Uzun, Diyarbakir: the slap in the face, International Journal of Kurdish Studies, Jan. 2003.