Mehmet Karasungur
Ji Wîkîpediya
Mehmet Karasungur (1947-1983) ku endamê Komîteya Navendî yê PKKê bû, di sala 1983ê de, bi tevî Îbrahîm Bîlgîn ji aliyê hêzên YNKê ve hatin şehîdkirin.
Mehmet Karasungur di sala 1947an de li navçeya Çewlik Kiğıyê li gundê Darabiyê jidayikbû. Dibistana seretayî li gundê xwe, dibistana navîn û lîseyê jî li Çewlikê qedand. Beşê matematîkê ya Înstîtuya Perwerdeya Erziromê qedand. Di sala 1972an de dema ku li Mereşê mamostetiyê dike, jiber xebatên şoreşgerî sûrgûnî Culemêrgê têkirin. Salên piştre dema ku li Şebinkarahisarê wezîfeya xwe ya mamostetiyê berdewam dike, di sala 1975an de tayîna wî ji bo Lîseya Çewlikê derdikeve. Karasungur, du vekirina Komeleya TÖB-DER şaxê Çewlikê de pêşengiyê dike û di rêvebiriyê de cîh digire. Karasungur di dema wezîfeya xwe ya li Çewlikê Mehmet Xeyrî Durmuş nas dike. Li qereqola ku di sala 1976an de lê têgirtin, jiber ku li mûdûrê Emniyetê daye, heta ku dikeve komayê rastî êşkenceyê dibîne. Karasungur, jiber xebatên polîtîk deşîfre dibe û di sala 1978an de Çewlikê wezîfeya xwe ya mamostetiyê berdide û dest bi şoreşgeriya profesyonel dike. Karasungur, weke rêxistinvanê berxwedanên Hîlwan û Sêweregê di Têkoşîna Azadiya Kurd de dewsên kûr dihêle û di sala 1980an de derbasî herêma Lûbnanê dibe. Di sala 1982an de derbasî Başûrê Kurdistanê dibe û ji bo sazkirina Yekîtiya Neteweyî û dawîdayîna nifaq û neyartiya di navbêra rêxistinên Kurd de, her wiha ji bo sazkirina xeta yekîtî û têkoşîna hevbeş gelekî di xebite. Dîsa ji bo wezîfeyeke wiha diçe biryargeha PDKê. Lê belê di wê demê de hêzên Yekîtiyê davêjin ser biryargehê û di encama vê êrîşê de di 2 gulana sala 1983an de tevî hevalê xwe Îbrahîm Bîlgîn jiyana xwe ji dest dide.
