Munzur Çem

Ji Wîkîpediya

Ev gotar bi zazakî (kirmanckî, dimilî) ye.
Xanepela zazakî: Xanepel, lîsteya gotarên bi zazakî: Kategorî:Zazakî

Rojnamevan-nustox Mûnzûr Çem, 1945 de dewa Kêxi (Cêxi) Qurze de ame dinya. Mektebo vırên dewa Kêxi Seter de, mektebê werti ki Qeza Dersimi Nazmiya de wend. 1969 de Kolejê Sıhhati yê Diyarbekiri (Diyarbakır Sağlık Koleji), 1971 de ki Mektebê İktisadi û Ticariyo Berz yê Anqara qedêna.

Mûnzûr Çem, 1970 ra bı nıka yew het ra maqale, roman û şanıkan nusneno, heto bin ra ki şanık û kılamê ke miyanê şari de vajinê, inan dano arê, ano pêser. Maqalê eyi ekonomi, politika û kulturi ser o yê. Tepiya imla û gramerê kırmancki ser o ki xêlê kar û gureyê xo esto.

Çı esto ke hal û usul ra gore o mecbur mendo, nusteyê xo bı ciya ciya imzayan nûsnê. Tayê imzayê ke heta nıka no kar pê kerdo na yê: H. Toprak, A. Taş, M. Çem, B. Şilan, S. Dilan, Mirzali Çimen û ayê bini.

Cîya cîya tayê meselan ser o broshurê Mûnzûr Çemî kî estê. Maqaleyî, lawikî, shanikê arêkerdeyî û hîkayê nustoxî, hata ewro xêlê kovar û rojnameyan de vejîyê û hona kî vejînê. Grubo ke çend serrî yo îmla û gramerê kirmanckî ser o gureyeno (xebetîno) û Swêd de kovara Vate vezeno, Mûnzûr Çem înan ra yew o. Nustox naye de temsîlkarê na kovare yê Almanya wo, rojnameya hefteyî Roja Teze de, 15 rojî de reyê kirmanckî maqaleyan nusneno.

Heto bîn ra M. Çem xebatkarêde heqanê mêrdîman (mordeman) o. Kurdîstan û Tirkîya de rewsha (halê) heqanê mêrdîman ser o xêlê kar û gureyê xo esto.

Mûnzûr Çem, sazkerdoxanê Kurd-PEN ra yew o (ju yo).

[biguherîne] Berhem

Broşur û maqaleyan ra qederi, kıtabê Mûnzûr Çemi yê ke heta ewro vêjiyê na yê:

A. Taş, Türkiye Kürdistanı: Ekonomik ve Sosyal Yapı (Kurdistanê Tırkiya, Halê Ekonomik û Politik), tırki. Özgürlük Yolu Yayınları, Çeleyo Qız 1985.
Gülümse Ey Dersim -Roman 3 Cilt- (Bıhuye Ey Dêrsim), tırki. Özgürlük Yolu Yayınları 1990, 1991, 1993 Koln.
Mirzali Çimen, Dünü ve Bugünüyle Gerikalmışlık Sorunu (Vıjêri ra bı Ewro Problemê Pêysermendışi), tırki. Öz-Ge Yayınları 1991 Ankara.
Hotay Serra Usıvê Qurzkızi, Kırmancki (zazaki) 1992 Weşanên Roja Nû, Stockholm.
Tayê Kılamê Dêrsimi. Kırmancki, 1993 Stockholm.
Ferheng Kurdi-Tırki, (Kırmancki / Zazaki- Türkçe Sözlük) Stockholm.
Alevilik Sorunu ve Dersim Ayaklanması Üzerine (Problemê Elewiyên û Xoverdayişê Dêrsimi Ser o), tırki. 1995 Stockholm. No kitab hetê nustoxi ra reyna ame wendene, tayê meseleyê bini nusnayî û bı nameyê "Dersim'de Alevilik" hetê Peri Yayınları ra 1999 de, ede Istanbul de ame çapkerdene.
Ormanın Dili (Vengê Bırri) sanıki, tırki 1996 Stockholm.
İsyana Çağrı -Roman- (Vengdayişê Xoverdayışi) tırki, 1996 Stockholm.
Ekmeği de Yaktılar -Roman- (Non ki Vêsna) tırki, Pencinar Yayınları 1997 Stockholm.
Kulê 38'i -Roportaji- kırmancki, Weşanên Komkar 1998 Koln.
Luye be Bıza Kole ra - Şanıkê miyanê şarê, kırmancki, Weşanên Komkar1998 Koln.
Tanıkların Diliyle Dersim 38 (No kıtab tırkiyê Kulê 38i yo û hetê Mûnzûr Çemî ra amo çarnayine) Peri Yayınları1999 İstanbul.
The Voice of the Forest, Komkar Publications. İngilizki, 2000 Koln