Biesjop
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
'ne Biesjop of bisjop (Nederlands: bisschop) ies in de hiërarchie van de Katholieke kèrk, de Orthodoxe Kerk de Anglicaanse Kerk of de Lutherse Kerk 'ne geistelike dae 'n biesjdóm besjuurt. De naam kump van 't Griekse episcopos, wat "opziechter" beteikent. Hae krieg 't amt toegeweze door 'n wiejing, die door drie ander biesjoppe weurt verliènd. De paus haet häöm van te veure beneump of haet de veurdrach bevestig.
[bewirk] Ièreteikes
De biesjop maog es ièreteikes 'ne mieter, 'ne biesjopssjtek , 'n boorsjkruus en 'ne biesjopsrink drage. De sjtek (sjtaaf) haet aan de bovekant 'ne krol. Meistal ies'r gemaak van edelmetaal of verfiende houtsoort. 't Ies 't teike van mach en herderlike zörg. 't Boorsjkruus ies 'n teike van waerdigheid, meistal van goud gemaak. Ouch abte en abdissse drage diet teike.
[bewirk] Biesjdóm
't Gebeed, dat kèrkrechtelik besjtuurd weurt door 'ne biesjop hèt 'n biesjdóm. In Nederland zint dat 't biesjdóm Remunj, Breda, Groninge-Leeuwarde, Haarlem, Den Bosch, Rotterdam en 't aartsbiesjdóm Utrech. Belsj haet de biesjdómme Hasselt, Luuk, Antwerpe, Brugge, Doornik, Gent, Name en 't aartsbiesjdóm Mechele-Brussel. In de plaats woa de biesjop woont sjteit zien biesjopskèrk, kathedraal geneump.
