De Laak
Van Wikipedia
- Dit artikel is gesjreve in 't Mestreechs. Ómdat 't plaatsgebónje is, maogs doe 't ómzètte nao 't Laaks, as te dit dialek sjpriks.
De Laak (Nederlands Laak) is e gehuch in de Nederlands-Limburgse gemeinte Maasgoew, te zuie vaan Staeveswaert en te weste vaan G'n Oea, aon de Maos, mèt 'n gesjatte 220 inwoeners.
De Laak besteit oet lintbebouwing aon 'ne weeg laanks de Maos. Bij 't dörp ligk 'n neogotische kapel oet 1896 gewijd aon Sint-Anna, die de aw kapel vaan 't Kestieël Walborg vervink. Roontelum 't gehuch ligke grindpeul, die veur waterrecreatie gebruuk weure.
Aajdtieds huurde De Laak, mèt G'n Oea, bij de hierlikheid Staeveswaert, die in hen waor vaan de graove Van den Bergh, die vaanoet 't Kestieël Walborg regeerde. In de Fransen tied woorte G'n Oea en De Laak same 'n zelfstendege gemeinte. Dees situatie doorde tot 1991, wie de gemeinte aon Brach woort touwgevoog. Sins 2007 huurt De Laak bij de nui gemeinte Maasgoew. In 1992 woorte de rewiene vaan 't kestiel gesloop.
