G'n Oea
Van Wikipedia
- Dit artikel is gesjreve in 't Mestreechs. Ómdat 't plaatsgebónje is, maogs doe 't ómzètte nao 't Oeaas, as te dit dialek sjpriks.
G'n Oea (Nederlands: Ohé) is e dörp in de Nederlands-Limburgse gemeinte Maasgoew, t'n ooste vaan De Laak en te zuie vaan Staeveswaert. De gemeinsjap heet 'n gesjatte 660 inwoeners.
G'n Oea besteit oet 'n klein kóm en 'ne weeg mèt lintbebouwing. In de kern steit 'n monumentaal eclectische (romanogotische) basiliek vaan de haand vaan A.C. Bolsius ('ne lierling vaan Pierre Cuypers); bij G'n Oea ligk ouch 't Kestieël 't Gäötje (officieel Hasselholt).
G'n Oea waor vreuger mèt De Laak oonderdeil vaan de hierlikheid Staeveswaert, die in hen waor vaan de graove Van den Bergh. In de Fransen tied woorte G'n Oea en De Laak same 'n gemeinte. In 1991 góng dees gemeinte op in Brach. Sins 2007 huurt G'n Oea bij de nui gemeinte Maasgoew.
