De Meulenhoek
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Meulenhoeks, as te dit dialek sjpriks.
De Meulenhoek (Nederlands: Molenhoek) ies 'n dörp t'n zuje van Nijmege. 't Dörp liek in twiè provincies: 't groatste deil liek in de Limburgse gemeinte Mook en Middelar en e klein deil in de gemeinte Heume (Gelderland). De Meulenhoek ies 't noordelikste plaetske van Limburg en haet daorum es bienaam "de poort van Limburg". Op 1 januari 2005 woonde d'r 3659 luuj in 't Limburgs deil.
In De Meulenhoek liek 't Jachtslot de Mookerheide, dat tösje 1902 en 1905 geboewd woort in Jugendstil. 't Haet allewiel 'n horecafunctie.
De kèrk van De Meulenhoek ies gewiejd aan Slevevrouw van de Zeve Sjmarte. Diet geboew oet 1934 haet vènstere van ónder andere Joep Nicolas.
