De Velsjuur
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Maeses, as te dit dialek sjpriks.
De Velsjuur (Nederlands: Veldschuur) ies 'n gehuch van Maes (Meers) in Zuud Limburg in de gemeinte Stein. De buurtsjap ies gelege achter de Sjteinerdiek op 't eiland dat gevörmp weurt door de Maas en 't Julianakanaal ten zuide van De Maasbendj. D'r wone in 2003 80 luuj.
De naam kump van 'n lossjtaonde graansjuur in 't veld. Waarsjienlik waor die in vakwerk opgetrokke, vanwege de verplaatsbaarheid. Op de Tranchotkaart besjteit 't gehuch, aangegeve es Velsur, oet twiè hoezer links en rechs van de weeg van Sjtein nao Maes. 't Plaetske weurt allewiel aangegeve door 'n wiet plaatsnaambord.
Velsjuur liek in 'n landelik agrarisch gebeed mèt hoagsjtam- bóngerde. Bezeenswaerdig zint ouw häöf en hoezer.
|
|
 |
|---|---|
| Dörper: Aelse | Berg | Maes | Stein | Werment | |
| Buurtsjappe en gehuchte: De Kaereshei | Katsep | Klein Maes | De Maasbendj | Nattenhaove | Nuujdörp | Terhage | De Velsjuur | |
