Hozelt

Van Wikipedia

Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Hozelts, as te dit dialek sjpriks.

De Romaanse kèrk van de heilige Genoveva

Hozelt (Nederlands: Holset) ies 'n dörp in de gemeinte Vols in 't heuvelland van Zuud-Limburg. 't Ies gesitueerd op 'ne berg in de buurt van de rieksweeg Vols - Viele - Gulpe - Mestreech. 't Plaetske haet 50 häöf en hoezer, woavan de meiste rónd de kèrk liegke. Ze vörme ein eige parochie.

[bewirk] Romaanse kèrk van Genoveva

In 1266 weurt de romaanse kèrk, gewiejd aan de heilige Genoveva, veur 't ièrsj geneump. Rónd 1500 ies 't geboew nao 't oaste toe verlengk mèt onder andere 'n koar. Dan óntsjteit 't karakteristiek trapsgewies uterlik. 't Boewwerk weurt geseerd mèt 'ne hoage sjpietse tore. In de 19e ièw versjient 'n kapel tegeneuver d'n ingank. Rónd de kèrk liek 'n kèrkhof mèt onder andere graafkruzer oet de 17e ièw. Binne zint houte beelde te zeen oet de 17e en 18e ièw.

De kèrk ies populair bie pare, die dao wille trouwe. Vanaaf 1900 ies Hozelt 'n baevaartplaats rónd de heilige Genoveva. Octave (achdaagse vieringe) weure gehoute vanaaf de de fièsdaag op 3 januari en vanaaf 20 juni. 'n Ander viering vingk plaats op 26 november. Op Pinksterdaag vingk de groate brónk plaats en datzelfde weekend ies d'r kèrmes.

[bewirk] Dörpsvereiniginge

Mannekoar St. Caecilia oet 1837
sjötterie St. Paulus oet 1600.

[bewirk] Häöf

De Holsetter haof
Haof Einrade
Vakwerkhaof Winnebrook
De Sieperhaof

't Panhoes ies 'n vreuger broewerie en geboewd van breuksjtein en vakwerk. Aan de Ouwe Aokerweeg sjteit 'n vakwerkhoes geneump Banket, woa vreuger de rechbank van Hozelt vergaderde.

Op versjillende krusinge van veldwaeg sjtoon weegkruzer. Van hie oet sjtruimp de Hermansbeek riechting Lemieësj (Lemiers) um daonao oet te mónde in de Selzerbeek.

De Holsetterbösj ies 17 hectare groat.

Gemeinte Vols
Dörper: Hozelt \| Lemieësj \| Viele \| Vols
Buurtsjappe en gehuchte: D'n Esj \| Halesj \| Komeresj \| Kotteze \| Awd Lemieësj \| Nuuj Lemieësj \| Duutsj Lemieësj \| Mameles \| Mellesjet \| D'r Roare \| Rot \| Volsbroch \| Woofhaag