Jan van Steffeswert

Van Wikipedia

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.

Modergaods in parochiekèrk in Valkeberg

Jan van Steffeswert waor 'ne beeldhouwer of beeldsjniejer in Mestreech, dae laefde op 't ing van de Mieddelièwe, van veur 1470 tot nao 1525. Hoewaal de naam deit vermoede, dat hae, of ziene vader, oet Staeveswaert (Stevensweert) aafkómstig zou zin, höbbe materiaalónderzeuk en archiefmateriaal beweze, dat 'r in Mestreech wèrkde.

[bewirk] Werk

't Mestreechs Bonnefantemuseum haet 10 werksjtökke van häöm, woa van 3 gesigneerd. (in 't totaal zin d'r tot noe toe 14 gesigneerde werke bekind.) 't Feit dat van Steffeswert signeerde, in zienen tied hièl óngebrukelik, tuènt aan, dat hae ziech van zien kwaliteite bewus waor. Hièl bekènd ies 't Marianum van zien hand in de dom van Aoke. 't Werk van deze beeldhouwer ies veural aanwezig in 't zuje en miedde van Nederlands Limburg, gedeiltelik Belsj Limburg en wes Duutsjland.

[bewirk] Sjtiel

Hièl kènmerkend ies de oetdrökking van 't geziech en de typische ploaje van de kleier in zien beelde. De maonsiekel ies 'n gereigeld truukkómmend attribuut of symbool. Opmerkelik ies ouch de 'knee' in häör kleid.

De volgende sectie van dit artikel is gesjreve in 't Norbiks.

In de christelijke iconografie wert de maagd Maria, de moder van God, dik mit d'r mond vergelaeëke of aafgebeeld terwiel ze op 'ne mondsikkel sjteet of troeënt. Dit beeld geet warsjienlek truuk op de Openbaring va Johannes (12:1): d'r versjeen in d'r hieëmel e groeët teke: 'n vrow gehuld in de zon, mit oonder häör veut d'r mond - symbool van d'r zege uvver vijandige machte.

[bewirk] Woa

Ander werk van Jan van Steffeswert:

De Amelbergabuste in de heilige Amelbergakèrk in Söstere (Susteren) (notehout)
Sint Jan-in-disco in Luuk (museum)
Anna te drieje (beeldegroep) in de Slevevrouwekèrk in Pej-Ech (n[[notehout)
De Heilige Crispinus in de St. Maartenkèrk in Groesjelt (Grónsveld) (notehout, polychroom)
Jozef mèt kind in de Sinterklaoskèrk in Heitse (Heythuizen)
Modergaods in de St. Petruskèrk in Bree Tongerlo
Modergaods in de St. Maartenkèrk in Baek
Gepolychromeerde modergaods in de Sinterklaos-kèrk in Valkeberg
'n Barbara in Sjuuëlder
Modergaods in de Slevevrouwekèrk in Tóngere
Crucifixe in de St. Servaoskèrk in Mestreech
SinteBerb (Barbara), in museum van Sintruin (St. Truiden)
Sinte Berb in Bor (Born) Martinuskèrk.
In Klumme bevingk ziech 't eikehoute beeld van de petroanheilige Remigius in de gelieknamige kèrk.