Kan
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Kans, as te dit dialek sjpriks.
Kan (Nederlands:Kanne), ies 'n dörp in de gemeinte Riems in Belsj (Belsj Limburg) vlak bie de grens van Nederland (Nederlands Limburg). 't Ies gesitueerd aan de voot van de berg d'n Observant, in 't dal van de Jeker, die door 't plaetske sjtruimp en aan 't Albaerkanaal. Aan de ander zie van de Jeker liek de buurtsjap Neerkan en aan de andere kant van 't kanaal bevingk ziech de buurtsjap Opkan. In Kanne weurt Limburgs en Nederlands gekald.
[bewirk] 't Dörp
't Plaetske ies veural bekènd um zien mergelgrotte. Van de gewonne mergelsjtein zint väöl häöf en hoezer geboewd, hie en in de umgeving. Dao sjteit 'n kèrk, gewiejd aan de heilige Hubertus mèt 'ne Mieddelièwse tore woa-op 'ne Limburgse sjpiets. In de 20e ièw ies d'r 'ne groate zaal aangeboewd. 't Gehièl ies ouch van plaatselike (mergel)sjtein opgetrokke.
Aan 't kanaal bevingk ziech 'ne jachhave.
Bie de rivier de Jeker sjteit de zoageneumde Sjmókkelmeule (watermeule) en dao bevingk ziech, neve 'n aantal carrévörmige häöf in de umgeving, 'ne haof Mosman oet 1651.
[bewirk] Dörpsvereiniginge
- Fanfare Sint Cecilia
