Kesjtièl Vaeshartelt
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Kesjtièl Vaeshartelt ies e kesjtièl in de gemeinte Mestreech, in de buurtsjap Waert kortbie Raotem. 't Kesjtièl weurt al geneump in 968 es Hartelt. In ièrsjte instantie waor 't lièngood van de Hièr van Valkeberg. In 1381 kump 't good in heng van Servaes van Mulcken en saer daen tied hèt 't landgood: Hartelt van Servaes of Vaeshartelt. In de 19e ièw verboewt Petrus Regout, industrieel in Mestreech, 't hoes tot 'n sjtatig kesjtièlke mèt biegeboewe. In 1851 geit Regout d'r ouch wone en geuf opdrach 'n koetsjhoes (noe verdwene), 'n aantal paerdsjtel en 'ne tore aan de noordvleugel bie te boewe. Naoderhand kump dao nog 'ne veranda bie. Bie de oprielaan versjient 'n porteersweuning en d'r weurt 'n landsjapspark aangelag. In 1861 köp Regout in de buurt nóg eine villa, dae Klein Vaeshartelt weurt geneump. Nao zienen doad raak 't good in verval en in 1954 weurt 't openbaar verkoch aan de gemeinte Mestreech. In 1992 vestig zich de Sjtiechting Driekant (Opleiding en advies) in 't geboew en saer 1994 is 't complex ouch in gebroek es congrescentrum.
Tot 1970 loog diet kesjtièl in de gemeinte Meersje, miè bepaald in de buurtsjap Waert. Dao liek 't nóg ummer, meh noe es ónderdeil van de gemeinte Mestreech.
De pachhaof Waerterhaof, in Waert, behuèrde langen tied bie Vaeshartelt.
