Mwórveld
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Gäöls, as te dit dialek sjpriks.
Mwórveld (Nederlands: Moorveld) ies 'n buurtsjap van Gäöl-bove in de gemeinte Meersje in Zuud Limburg. Mwórveld en umgeving weurt ouch waal Waalse geneump, waarsjienlik vanwege de Waalsebaek die hie sjtruimp. Tot 1982 huèrde 't groatendeils bie de gemeinte Gäöl en gedeiltelik bie Ulesjtraote. De nederzètting liek tösje Sniedersberg en Euverbrook. In 2003 wone d'r 350 luuj. Saer de boew van 'n kèrk in 1953 haet Mwórveld de sjtatus van kèrkdörp.
[bewirk] Bezeenswaerdighede
- De parochiekèrk oet 1953 ies geboewd van baksjtein nao 'n óntwerp van architect Dings. De tore haet 'n tentdeekske. Binne bevinge ziech kunstwerke van Limburgse kunstenaersj. Veur 1953 woort gebruuk gemaak van noadkèrke. Ein van die ies 'n nog besjtaonde sjuur in De Husjeberg.
- Baksjteine kapelke oet 1947 in neogotische sjtiel, gewiejd aan 't Heilig Hart. 't Monumentsje ies opgeriech oet dankbaarheid veur behoud nao de Twiède waereldoorlog.
- Aan de Waalsebaek, later Meulebeek geneump, in de Gäölse bösj riechting Sniedersberg, laog tot rónd 1900 de Boveste watermeule. 't Waor 'n banmeule. Sjtruimaafwaerts bevingk ziech de Óndersjte meule, aan dezelfde baek.
- Ouch de waterpöt van 't dörpke ies aafgebroke.
- Vlakbie liek vleegveld Maastricht-Aachen-Airport.
|
|
 |
|---|---|
| Dörper: Meersje | Bung | Gäöl | Gäöl-aan-de-Maas | Mwórveld | Raotem | Ulesjtraote | |
| Buurtsjappe en gehuchte: Brómmele | Brookhaove | Genzon | 't Grwat-Brook | Grwat Bergem | Humkove | De Husjeberg | Kaze | 't Klei-Brook | Klein Bergem | Meersje-Wes | Raor | Sjietekove | Sniedersberg | 't Sjtómmeveldsje | Vliek | 't Voelwames | Waert | Waterval | |
