Roems-Kattelieke Kèrk
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
De Roems-Kattelieke Kèrk (vaan Grieks katholikos, "algemein") is de groetse vaan de Kattelieke Kerke en ouch vaan alle Christelike kèrkgenootsjappe. Ze heet mie es ein miljard lejer. Ouch in Limburg is 't de groetste religie. De Roems-Kattelieke Kèrk claimp de einege orzjineel christelike kèrk te zien, die rechstreiks aofstamp vaan de lier vaan Zjezus Christus en de door häör volgelinge gestiechte kèrk. Inderdaod waor d'n apostel Petrus d'n ierste paus en daomèt de veurluiper vaan de huidege kèrkprins. De paus resideert sins de daog vaan Christus in Roeme. Op dit momint (2005) is Benedictus XVI paus. 't Machscintrum vaan de Roems-Kattelieke Kèrk weurt 't Vaticaan geneump.
Inhawd |
[bewirk] Lier
De basis vaan de religie is, wie bij de aander christelike genootsjappe, de Biebel. Umtot de kèrk evels in de loup vaan de ieuwe veur väöl praktische probleme kaom te stoon, hèlt me ouch oetsprake vaan 't Vaticaan, zoegeneumde dogmata, es riechsneur veur de religie aon. Dao-in versjèlt de kèrk vaan 't protestantisme. De lier sjrief veur tot Zjezus de lejer vaan de kèrk opreup ziech op 'n zeker meneer te gedraoge nao de medemins touw.
[bewirk] Sacreminte
De kattelieke kèrk kint zeve zoegeneumde sacreminte. Dat zien rituele die betrèkking höbbe op veurnaom gebäörtenisse in 't leve die d'n aondach vaan de gelouvege verdene en boebij dee bij zien religie betrokke weurt. De sacreminte weure ummer door 'ne priester aofgenome. De zeve sacreminte zien:
- Doupsel
- Vörmsel
- Eucharistie
- Beech
- Bedeend weure of Krankezaving en heilege olie
- Wijing tot diake, preester of biesjop (Heilege Orders)
- Matrimonium of Trouwe veur de kèrk
[bewirk] Heilege
Minse die ziech hendeg verdeenstelik höbbe gemaak veur de religie en door de kèrk geach weure einege mirakele te höbbe laote gebäöre, kinne heileg verklaord weure. Dat hèlt in tot dee persoen in de kèrk verierd maag weure. Heilege höbbe ummer 'ne fiesdaag veur ziech. De paus deit de heilegverklaoringe, die nao 'n gecompliceerde proceduur gedoon weure. Iers moot de persoen zaoleg verklaord weure. Daan doon twie funksjenaere, promotores fides, häör wèrk: d'n eine zeuk rejes veur de zalege heileg te verklaore, d'n aandere brink zoeväöl meugelik arguminte bijein boeveur dee neet heileg verklaord maag weure. Officieus weure ze avvekaot vaan God en avvekaot vaan d'n Duvel geneump. Daonao nump de paus e besloet.
[bewirk] Hiërarchie
De Roems-kattelieke kèrk is hiërarchisch opgebojd. Bovenaon steit, wie gezag, de paus. Rech oonder häöm stoon de kardinale, die deil oetmake vaan de Romeinse Curie. Kèrkprovincies, boe-in de gaanse wereld is eingedeild, weure besteurd door eertsbisjoppe. Kèrkprovincies zien zelf in bisdomme verdeild, die alle door bisjoppe besteurd weure. Ouch de eertsbisjoppe en de paus höbbe häör eige bisdom; de paus is bisjop vaan Roeme. Bisjoppe zien formeel de opvolgers vaan de apostele.
