Rogge
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Rogge (Triticum cereale) ies 'n plant oet de graasfamilie. 't Ies 'n vodingsgewas. Van ’t sjtruè weurt karton gefabriceerd, weure daker gelag en ’t weurt gebruuk um eerappele en krote aaf te dèkke in de winter.
Van de roggegrane weurt (broen) roggebroad gebakke en vièvoor gemaak. Ouch distillatie tot whiskey en gin kump veur. De plant weurt geteeld op zand- en dalgrónd en sóms in de kleibeemde bie riviere. Meistal sjpreke v’r in Nederland en Belsj van winterrogge. Gezièjd weurt in ’t naojaor, veurdat ’t geit vreze. Naodat voldoon ies aan dees kou-behoefte van de plant zal ziech in ’t veurjaor de aor goon vörme. De plant weurt 2 maeter hoag en ies griesgreun gekleurd.
