Woufhage
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Sjènnes, as te dit dialek sjpriks.
Woufhage (Nederlands:Wolfhagen) ies 'n buurtsjap van Sjènne in de gemeinte Sjènne in Zuud Limburg. De 40 häöf en hoezer liegke langs en rónd de gelieknamige weeg, ten noorde van Sjènne.
[bewirk] Gesjiedenis
In de 16e ièw woont'r 'ne zekere Jan Wolffs es pachboer op de Witzenhaof. Zien familie woont dan al saer ca 1500 hie. De naam Woufhage geit waarsjienlik truuk nao deze Wolff mèt zien nederzètting umringk mèt 'n hègk (haag).
[bewirk] Bezeenswaerdig
- Versjillende ouw boerderieje, sómmige mèt vakwerk, land en baende gelege tege de Pötterberg.
- Hoes Fabricius gelege op 'n sjplietsing van waeg, dateert oet 1615
- Op dees sjplietsing sjteit 'n iezere weegkruus woa-op versjillende heilige figure te zeen zin.
- De Dieterenhaof ies 'ne carrevörmige, gesjlote haof, geboewd in baksjtein, mèt róndbaogpoorte, gelege aan de holle waeg nao Pöt.
- De Woufhagerbösj mèt 9 ha grónd. Miedde door de Wieje (Wilge) en de Kannadasse (Populiere) sjtruimp de Kakkert. Dao bevingk ziech ouch 'n moeras.
Ónder de grónd loupe de geng van veurmalige koele of kolemiene. Dat ies te zeen aan plaatselike verzakkinge woadoor 't gebeed tamelik vochtig ies. In 1992 kaom de bösj aan de sjtiechting 't Limburgs Landschap. In de moere van versjillende ouwer hoezer loupe sjäöre vanwege miensja, tengevolge van verzakkinge door miengeng.
[bewirk] Vereiniginge
- Bewonersjgroep Wolfhage
|
|
 |
|---|---|
| Dörper: Awstroa | Doonder | Oeësjbik | Pöt | Sjènne | Zjweikese | |
| Buurtsjappe en gehuchte: Grach (Sjènne) | G'n Hèk | G'n Heisterbrök | Hómmert | Groeët Doonder | Kleen Doonder | Oppeven | Nagelbek | Töl | Woufhage | |
