മാപ്പിള ബേ
വിക്കിപീഡിയ, ഒരു സ്വതന്ത്ര വിജ്ഞാനകോശം.
പ്രശസ്ത മത്സ്യബന്ധന തുറമുഖം ആയ മാപ്പിള ബേ (മോപ്പിള ബേ എന്നും അറിയപ്പെടുന്നു).സെന്റ് ആഞ്ജലോ കോട്ടയ്ക്ക് അടുത്തായി അയീക്കരയില്‍ ആണ് സ്ഥിതിചെയ്യുന്നത്. കേരളത്തിലെ കണ്ണൂര്‍ ജില്ലയിലാണ് മാപ്പിള ബേ. പ്രകൃതിദത്തമായ ഈ കടല്‍ത്തീരത്ത് ഒരു ആധുനിക മത്സ്യബന്ധന തുറമുഖത്തിന്റെ നിര്‍മ്മാണം നടക്കുന്നു. ഇന്ത്യ-നോര്‍വ്വെ സഹകരണ കരാറിന്റെ സഹായ പ്രകാരമാണ് ഈ തുറമുഖ നിര്‍മ്മാണം നടക്കുന്നത്.
പുരാതനമായ ക്ഷേത്രത്തിന്റെ അവശിഷ്ടങ്ങളും ഒരു കോട്ടയുടെ അവശിഷ്ടങ്ങളും ഇന്നും മാപ്പിള ബേയില്‍ കാണാം. കോലത്തിരിമാരുടെ കാലത്ത് ഒരു പ്രധാന വാണിജ്യ തുറമുഖവും കോലത്തുനാടിനെ ഇറക്കുമതിക്കായി ലക്ഷദ്വീപും മറ്റു രാജ്യങ്ങളുമായി കൂട്ടിയിണക്കുന്ന കണ്ണിയും ആയിരുന്നു മാപ്പിള ബേ.
കോട്ടയില്‍ നിന്ന് ആരംഭിക്കുന്ന ഉയരത്തിലുള്ള ഒരു കടല്‍ഭിത്തി തിരകളുള്ള കടലിനെ തടഞ്ഞുനിര്‍ത്തുന്നു. ഇതും ഇന്ത്യ-നോര്‍വ്വെ സഹകരണ കരാറിന്റെ സഹായത്തോടെ കെട്ടിയതാണ്.
പ്രശസ്തമായ അറക്കല്‍ രാജ്യം ഈ തുറമുഖത്തിന് അടുത്താണ്.
[തിരുത്തുക] വിനോദസഞ്ചാര ആകര്‍ഷണങ്ങള്‍
- പ്രധാന ആകര്‍ഷണം: കോട്ടയുടെയും ക്ഷേത്രത്തിന്റെയും അവശിഷ്ടങ്ങള്‍, മത്സ്യബന്ധന തുറമുഖം.
- അടുത്തുള്ള ആകര്‍ഷണങ്ങള്‍: സെന്റ് ആഞ്ജലോ കോട്ട
[തിരുത്തുക] ഇതും കാണുക
- അയീക്കര
- സെന്റ് ആഞ്ജലോ കോട്ട - (കണ്ണൂര്‍ കോട്ട)
- അറക്കല്‍ രാജ്യം
- കണ്ണൂര്‍
 |
കേരളത്തിലെ സ്ഥലങ്ങളുമായി ബന്ധപ്പെട്ടുള്ള ഈ ലേഖനം അപൂര്‍ണ്ണമാണ്‌. ഇതു പൂര്‍ത്തിയാക്കാന്‍ സഹായിക്കുക. |
