Letlaand
Van Wikipedie
Letlaand is een republiek in Noordoost-Europa, eein van de Baltische laanden an de Oostzee. 't Laand wordt wieder begreensd deur Estlaand in 't noorden, Litouwen en Wit-Ruslaand in 't zuden en Ruslaand in 't oosten.
't Laand is geografisch en ok wat oppervlakte en inwonertal betreft 't middelste van de Baltische laanden, en 't vereeinigt elementen van beide buurlaanden in zich: 't deeilt zien Baltische taol, 't Lets, met Litouwen, waor 't verwaante Litouws praot wordt, en 't deeilt zien overwegend lutherse geleuf met Estlaand. De geschiedenis van Letlaand vertoont grote overeeinkomsten met die van Estlaand, en veul minder met die van Litouwen. Letlaand herkreeg nao een langdurige sovjetbezetting in 1991 de onofhaankelijkheid die 't laand veur 't eerst in 1918 verwörven had. Een arfenis van de sovjettied is 't grote antal Russischtaolige inwoners.
Letlaand is sinds 1 mei 2004 eein van de lidstaoten van de Europese Unie.
