Estlaand

Van Wikipedie

Eesti Vabariik

Baosisgegevens

Officiële laanstaal: Estisch

Heufstad: Tallinn

Regeringsvorm: Rippebliek

Religie: Protestans (16%)
Russisch-orthodox (14%)

Oppervlakte: 45.226 km² (4,6%waoter)

Inwoeners: 1,4 miljoen (31 / km²)

Overige

Volkslied: Mu isamaa, mu õnn ja rõõm

Munteenheid: Estische krone (EEK)

UTC: +2

Nasionale feesdag: 24 febrewaori
onofhankelijkheidsdag

Web | Code | Til. .ee | EST | 372

Estlaand (Estisch en Võro: Eesti, Russisch: Эстония; Estonija) is een laand in Noordoost-Europa, dat in 't westen grenst an de Oostzee, in 't noorden an de Finse Golf, in 't oosten an Ruslaand en in 't zujen an Letlaand. 't Is de noordelijkste en de kleinste van de drie Baltische lanen, en 't verskil van 't middelste Baltische laand Letlaand in de eerste pläse deur de taal, die Finoegrisch is en niet Baltisch.

Onderwarpen

1 Geschiedenis
2 Bestuurlijke indieling
- 2.1 Pervinsies
- 2.2 Stejen

[bewark] Geschiedenis

Estlaand is pas vanof 1918 een zelfstandige staot. 't Onofhankelijke Estlaand wönnen in 1940 deur sovjettroepen bezet en nao een korte Duutse bezetting in 1944 bie de Sovjet-Unie in-enumen. 't Bezette Estlaand herkreeg in 1991 zien onofhankelijkheid. De jaoren van toenemende vrieheid die an disse gebeurtenis veurofgungen, gungen de geskiedenis in as de zingende revolusie.

Veur 1918 beheurde Estlaand tot de grote meugendheden die 't laand umringen: 't was ofwisselend (deels) Deens, Zweeds, (deels) Pools en Russisch, terwiel de Duutse Orde der eeuwenlang een grote rol speulde. Duutsers bekleedden hoge functies in bestuur en ambtenäri'je, terwiel de Esten allinnig 't wärk verrichten. De emancipaosie van de Esten en van de Estische tääl kwammen pas vanof 1800 van de grond.

Estlaand is op 1 mei 2004 toe-etrejen tot de Europese Unie.

[bewark] Bestuurlijke indieling

[bewark] Pervinsies

't Laand is onderverdield in vuuftien pervinsies (maakond, meervoud: maakonnad) en disse in 193 laandgemientes (vald) en 34 stejen (linn). Veur een overzich van de Estische pervinsies zie: pervinsies van Estlaand.