Veluwe
Van Wikipedie
De Veluwe is een bebost Nederlaans gebied in de pervinsie Gelderlaand en een veurmaolig kertier van 't hertogdom Gelre. 't Gebied grenst ongeveer an de plekken Attem - Apeldoorne - Dieren - Arnem - Wageningen - Ede en Harderwiek.
Onderwarpen |
[bewark] Netuur
De Veluwe stiet bekend um zien bossen en 't grootste leeglaandnetuurterrein van Noordwest-Europa, en is ongeveer 100.000 bunders groot. In de bossen wonen veural harten, knienden en andere wildsoorten. Bie Armel giet al iewig lange 't verhaol van de witte wieven in de ronte (dät overigens ok in Twente veurkump). Naost de bossen stiet de Veluwe ok bekend um d'r zaandverstuvingen, zoas bie Kodek en Elspeet. De raove is hier mit succes herin-evoerd, der kommen now tientallen exemplaren veur.
[bewark] Cultuur
In Apeldoorne stiet 't Peleis 't Loo, waor Wilhelmina een tied lange ewoond hef.
[bewark] Karkelijk
De Veluwe is een iezig kärkelijk (protestans) gebied en beheurt tot de zogenaamde Biebelgurdel. De strengste darpen bint: Oldebroek en Oosterwolde, Doornspiek, Elspeet, Uddel, Niej-Milligen en Harskamp (op de rand van de Gelderse Vallei). De noord- en westkante bint tredisioneler en hebt in tegenstelling tot de oostrand een streng orthodox-protestans karakter. In 't noorden van de oostelijke Veluwe bint ok een paor kattelieke gemeentes (of katteliek gemingd mit protestans kump ok wel veur) een veurbeeld hiervan is Vaossen.
[bewark] Dialect
Op de Veluwe wordt der naost 't Nederlaans ok een Nedersaksische variant epraot, 't Veluws, 't West-Veluws en 't Oost-Veluws um percies te wezen, zwat 48,6% kan 't praoten, van ongeveer 37,0% is 't de moerstaal, 65,3% kan 't lezen en 34,4% leest 't vake.
