Weststellingwarf

Van Wikipedie

Gemiente Weststellingwarf


(Vlagge van Weststellingwarf)		(Waopen van Weststellingwarf)

Oppervlak
- Laand
- Waeter

228,40 km²
226,40 km²
2,00 km²

Antal inwoners
Inwoners per km²

25.433 (augustus 2006)
112,9 inw./km²

Geografische koördinaoten

52°88' NB 6°00' OL

Belangrieke verkeersaoders

A32, N351

Netnummer

Postkodes

Officiële webstee

www.weststellingwerf.nl

Weststellingwarf (ok wel: Stellingwarf-Westaende) is een Friese gemiente mit 25.433 inwoners (1 augustus 2006, bron: CBS) en een oppervlakte van 228,40 km², waorvan 2 km² waeter. De gemiente leit in de Stellingwarven, tegen de greenzen mit de perveensies Drenthe en Overiessel. Et gemientebestuur is vestigd in Wolvege.

Weststellingwarf maekt tegere mit Ooststellingwarf diel uut van de Stellingwarven, waor Stellingwarfs praot wodt.

De laandbouw omvat akkerbouw en veehoolderi'je, de industrie (veurnaemelik vestigd in Wolvege en Noordwoolde) produceert o.m. meubels, zuvelprodukten, bouwmateriaolen en elektrotechnische artikels. Et netuurrisservaot Lendevallei is een komplex bestaonde uut: Helomepoolder, Driessenpoolder, Gorterspoolder, Botkerisservaot, Onlaand en Oolde Stroomdal (petgatten in et zuden van de Lende). Aandere netuurgebieden binnen de gemiente bin de staotsnetuurrisservaoten Braandemeer (niet toegaankelik) en Rottige Meente.

Onderwarpen

1 Geschiedenis
2 Belangriekste plakken
- 2.1 Dörpen
- 2.2 Buurtschoppen

[bewark] Geschiedenis

De ooldste dörpen in Weststellingwarf ontstonnen in de 8e ieuw totan de 14e ieuw, bouwd op flauw hellende, lange zaandroggen, die oorspronkelik begreensd wodden deur hoogvenen. In de 11e ieuw beheurden West- en Ooststellingwarf tot Drenthe en stonnen ze onder de Bisschop van Utrecht. Et bestuur en de rechtspraoke weren in hanen van stellings (dörpsrechters), die elk jaor wisselden. In 1504 wodde et gebied de tiende grieteni'je van de Zeuvenwoolden.

[bewark] Belangriekste plakken

De gemiente Weststellingwarf telt 26 officiële dörpen. De heufdplak is Wolvege. De Nederlaanse naemen bin de officiële, de Friese naemen wodden niet gebruukt. In Weststellingwarf wodt gien Fries, mar Stellingwarfs praot, een Nedersaksisch dialekt. De plaknaemborden in de gemiente bin ientaelig Nederlaans.

[bewark] Dörpen

Antal inwoners per woongebied op 1 jannewaori 2004:

Stellingwarfse naeme	Nederlaanse naeme	Antal
Wolvege	Wolvega	12.150
Noordwoolde	Noordwolde	3.600
Hooltpae	Oldeholtpade	1.100
Steggerde	Steggerda	890
Sunnege	Sonnega	790
De Blesse	De Blesse	710
Buil	Boijl	530
De Oosterstreek	Oosterstreek	530
Ni'jhooltpae	Nijeholtpade	380
Blesdieke	Blesdijke	370
Munnikeburen	Munnekeburen	360
Scharpenzeel	Scherpenzeel	360
De Hoeve	De Hoeve	350
Der Izzerd	Ter Idzard	300
Ooldetriene	Oldetrijne	180
Ooldelaemer	Oldelamer	170
Ni'jhooltwoolde	Nijeholtwolde	160
De Langelille	Langelille	140
Vinkege	Vinkega	130
Ni'jlaemer	Nijelamer	110
Spange	Spanga	110
Ni'jtriene	Nijetrijne	60
Peperge	Peperga	60
Hooltwoolde	Oldeholtwolde	50
Sliekenborg	Slijkenburg	30

Bron: CBS

Overige officiële plakken:

Zaandhuzen

[bewark] Buurtschoppen

Naost disse officiële dörpen bin der in de gemiente de volgende buurtschoppen:

Gemiente Weststellingwarf
Steden, dörpen en gehuchten Blesdieke \| Buil \| De Blesse \| De Hoeve \| De Oosterstreek \| Der Izzerd \| De Langelille \| Hooltpae \| Hooltwoolde \| Munnikeburen \| Ni'jhooltpae \| Ni'jhooltwoolde \| Ni'jlaemer \| Ni'jtriene \| Noordwoolde \| Ooldelaemer \| Ooldetriene \| Peperge \| Scharpenzeel \| Sliekenborg \| Spange \| Steggerde \| Sunnege \| Vinkege \| Wolvege \| Zaandhuzen
Buurtschoppen Boekelte \| De Gracht \| Noordwoolde-Zuud \| Riseperkampen \| Schoterziel