Cantorbéry
From Wikipedia
|
Ch't' articl'ye fut c'menchie en Jèrriais
 |
Cantorbéry (ou Cantorbiéthe; en Angliais Canterbury) est eune ville en Angliétèrre dans l'Kent.
Les Romains fondîtent un camp ichîn tch'avait nom Durovernum. Les Saxons l'èrbâptîsit Cantwarabyrig (lé bourg des hoummes dé Kent) et d'vièrs 560 la ville dévînt la capitale du rouoyaume dé Kent.
En 597 lé pape Grégouaithe envyit Audgustîn à seule fîn d'convèrti l's Angliais. Audgustîn et ses missionnaithes arrivîtent dans l'Kent et i' fûtent atchilyis à la cour du rouai Ethelbèrt dé tchi la bouonnefemme Bèrthe 'tait Chrêtchienne. Audgustîn fondit un monastéthe dans la ville, et pus tard eune cathédrale.
Les Nouormands bâtîtent un châté.
Lé meurtre dé Thonmas Betchet dans la cathédrale en 1170 confirmit la précédenche des Archêvêques dé Cantorbéry. L'èrlitchaithe du Saint Thonmas Betchet attriotchit d's amas d'pélérîns à la ville.
L'èrlitchaithe fut dêtruit en 1538 duthant la R'formâtion.
Eune grande partie d'la vielle ville fut passecrite en 1942 par la bombardéthie Allemande.
Y'a deux unnivèrsités dans la ville: l'Unnivèrsité d'Kent fut fondée en 1965 sus l'bord d'la ville, et en 2005 l'Unnivèrsité Canterbury Christ Church èrchut sa charte.
