Ville
From Wikipedia
|
Ch't' articl'ye fut c'menchie en Jèrriais
 |
Eune ville est un touffet d'maîsons et d'bâtisses dans un vaîthinné. Eune ville peut êt' eune pétite pouongnie d'maîsons, coumme en Jèrri: La Ville au Bas, La Ville au Veslet, La Ville à l'Êvêque. Hors Jèrri, nou dithait pustôt qu'ch'est un village.
Cont'nu |
[amendaer] Histouaithe
Pouor les Gallo-Romains des touos vièrs temps eune villa 'tait eune fèrme, et nou-s'app'lait les grandes fèrmes atout les noms d's aûgnièrs: Parville (la villa à Paternus), Fourneville (la villa à Furnus); ou bein atout eune description d'la fèrme ou des tèrres: Hauteville, Longueville, Granville (ou Magneville, du Latîn magna = grande).
En Nouormandie, jusqué dans les 20% des noms d'pliaiche sont des -ville ou Ville- mais y'a des difféthences entré les contrées: l'Orne a raîque 3% des noms en ville; lé Calvados en a dans les 15%; l'Ûre en a dans les 18%; la Manche en a dans les 25% épis dans les 31% dans la Seine-Mathitînme. Tout coumme, dans la Manche, y'a eune difféthence entré l'Nord et l'Sud - l'Avranchîn en a raîque dans les 3% mais y'en a jusqué dans les 80% dans La Hague.
Ch'est en tchi les cheins Gèrmanniques tchi settlîtent en Nouormandie atchilyîtent la couôteunme dé nommer lus fèrmes en -ville. J'viyons don Gatteville (la fèrme à Gatto), Gouville (la fèrme à Godo) et tout chenna. Épis les Norrouais fîtent dé même: Equeurdreville (la fèrme à Skelder), Quetteville/Quettreville (la fèrme à Ketill) et Grouville (la fèrme à Gero).
Au c'menchement eune ville 'tait eune fèrme auve ses offices et ofûche des cauminnes à l'entou. À seule fîn dé s'protégi lus grandes fèrmes, des seigneurs éthaient bâti des câtchieaux à l'entou, et ches villes pouôrraient abrier et attriotchi des marchièrs.
Les pus împortantes villes fûtent èrconnues par la louai du pays et gângnîtent lé drouait dé lus gouvèrner.
[amendaer] Achteu
Au jour d'aniet, eune ville est l'pus souvent eune meunicipalité tchi peut êt' pétite ou hardi grande. La ville la pus împortante d'un pays est la capitale.
Dans des pays, eune cité ou grande ville est eune ville împortante.
Les cheins tchi d'meuthent dans eune ville sont des villais (
des vilotins). Le pus souovent, fâot entenre qùé les gens qùi demeurent dauns des c'meunes en -ville ount eun avernom espécia. Les gens de Ĥâoteville sount des Ĥâotais, céeus d'Éqùerdréville des Éqùerdrais, et de Gatteville des Gattais.
[amendaer] Dans l's Îles
En Jèrri, la Ville est Saint Hélyi, et en Dgèrnésy, la Ville est Saint Pièrre Port.
[amendaer] Ditons
- chèrchi la Ville par Saint Aubîn
- chèrchi la Ville par lé Vièr Châté
- affronté coumme un Villais
[amendaer] Des villes
- Viyiz étout la Liste des capitales
en Nouormandie:
en Brétangne:
- Rennes
- Saint Mâlo
- Brest
- Tchîmpèr
- Lorient
- Vannes
- Saint Brieuc
- Morlaix
en France:
- Paris
- Besaunçoun
- Strasbouo
- Cllermount-Ferraund
- Bordiâos
- Dijoun
- Orléauns
- Châlouns-en-Chaumpangne
- Ajaccio
- Mountpêlyi
- Limoges
- Dontchèrque
au Rouoyaume Unni:
en Ûrope:
- Barcélonne
- Bèrlîn
- Bruxelles
- Colongne
- Cracaû
- Dublîn
- Katowice
- Moscou
- Prague
- Rome
- Saint Pétersbourg
- Świętochłowice
- V'nise
en Afrique:
- Lé Cap
- Lé Caire
- Lagos
- Nairobi
en Améthique du Nord:
- Nouvieau York
- Ottawa
en Améthique du Sud:
- Bouonézâr
- Saint Paul du Brési
- Lima
en Âsie:
[amendaer] Réféthence
- René Lepelley, Noms de lieux de Normandie et des îles Anglo-Normandes, 1999, ISBN 2862532479
