Киров, Мироны фырт Сергей
Сæрибар энциклопеди Википедийы æрмæг.
Киров Мироны фырт Сергей (уырыс. Сергей Миронович Киров), зындгонд революционер, советон хицауады архайæг. Йæ æцæг мыггаг уыди Костриков. Райгуырд 1886 азы 27-æм мартъийы, амард 1934 азы 1-агæм декабры.
Æмткæй дæс азы дæргъы Киров цардис Дзæуджыхъæуы. Йæ архайды мидис уыд социалистон идейæтæ Цæгат Кавказы парахат кæнын. Раст Дзæуджыхъæуы, газет "Терек"-мæ йæ уац раттгæйæ, фыццаг хатт спайда кодта йæ хъуыстгонд фæсномыгæй.
Киров Николаев Леониды къухæй амард Ленинграды. Киров Николаевы усимæ гадзрахатæй цыди, уый тыххæй зæрдæхсайдæй æй амардта Николаев. Ис æндæр верситæ дæр, политикæимæ баст.
Кировы амарды фæстæ бирæ советон сахартæ, хъæутæ, колхозтæ æмæ æндæр рæттæ райстой йæ ном. Ирыстоны дæр ис Кировы район, Дзæуджыхъæуы Кировы уынг æмæ Кировы номыл зонадон библиотекæ.
Киров куы амардис, уæд йæ марджыты агурыны 'фсонæй Сталин райдыдта Стыр Æфснайд. Уæд ахст æрцыдысты бирæ адæм, уыдоны 'хсæн Бухарин, Каменев æмæ Зиновьев.
