Karl Marx
From Wikipedia
Karl Heinrich Marx (*5 da matg 1818 a Trier; †14 da mars 1883 a Londra) era filosof, giurnalist politic e crititgader da l'economia burgaisa.
Survista
Marx vala sco visiunari dal moviment da luvrers, ensemen cun Friedrich Engels, che ha da impuls impurtants a la critica da la economia politica e che ha publitga las ultimas scartiras da Marx suenter sia mort. En sia capoovra "Das Kapital", ina teoria empirica, economica e matematica, analisescha Marx las vias da producziun capitalisticas, la circulaziun da vitgira, la circulaziun da raps e l'accumulaziun da chapital. En sia analisa mussa el las dependenzas basalas dad ina societad dominada chapitalisticamain. Il chapital po vegnir observà da duas differentas varts. Il prim dal pugn da vista dal propietader da chapital, segund dal lavurader. Omasdus pugns da vista èn novs en lur analisa ed anc adia actuals. Ina da sias tesas centrala è che ils interess dals proprietaris e quels dals lavuraints èn incumpatibels, e che ins sa mo surmuntar quest problem entras far ord las duas persunas ina singula, q.v.d. da far ils lavuraints tar ils proprietaris da la fatschenta.
