Alfabbetu sicilianu
Di Wikipedia, l'enciclopedìa lìbbira.
L'Alfabbetu sicilianu è:
| A | B | C | D | E | F | G | H | I | J | L | M | N | O | P | Q | R | S | T | U | V | Z |
| a | b | c | d | e | f | g | h | i | j | l | m | n | o | p | q | r | s | t | u | v | z |
Salvaturi Camilleri cci agghiunci puru la littra «DD», voldiri lu sonu retroflissivu carattiristicamenti sicilianu, chi si vidi scrittu comu «ddh» o «ddr» videmma.
L'alfabbetu sicilianu assummigghia l'alfabbetu talianu, sarvu la littra «J», chi veni usatu ô principiu di na palora quannu havi la qualitati d'un cunzinanti. Si vidi puru nta na pusizzioni ntra-vucali, spiciarmenti quannu si ncòntranu dui «i», p'asempiu: «addijiri». Lu sonu dâ «J» si muta ô principiu di na palora, addippinnennu quali littra veni prima, p'asempiu: «haiu a jiri» si prununza /aiu a gghiri/; e «un jornu» si prununza /ungnornu/.
Li «b», «r» e «z» sònanu duppî ô principiu di na palora, ma sarvu quarchi ccizzioni, nun si scrìvanu duppî. Li «b» e «z» vennu scritti quasi sempri duppî a mmenzu na palora (sarvu quannu la «r» è prima di na «b» o «z», p'asempiu: «arba» e «arzari».
[cancia] Rifirimenti
- Camilleri, Salvatore (1998) Vocabolario Italiano Siciliano, Edizioni Greco, Catania.
