Birkirkara
Di Wikipedia, l'enciclopedìa lìbbira.
Birkirkara è na cità di 25.000 abbitanti ô centru di Malta.
È la cità cchiù granni di l'ìsula, cu tri parrocchi autònumi: Sant'Èlina, San Peppi e Santa Maria. È sedi d'unu dê culleggi cchiù famusi di Malta, lu stòricu Culleggiu di San Luiggi. Birkirkara è lu locu unni stannu lu Prisidenti Edward Fenech Adami e lu leader di l'uppusizzioni Alfred Sant. Lu mottu dâ cità è In hoc signo vinces, ca carittirizza lu sìmmulu dâ cità nzèmmula a na cruci russa ntôn campu jancu cu na curuna 'n capu.
Hà statu la cità cchiù pupulata di l'arcipèlacu maltisi di l'ùrtimi cinquant'anni.
Ìndici |
[cancia] Lochi Ntirissanti
Ci sunnu assai lochi ntirissanti, ntra cui la Vecchia Stazzioni Firruviaria, oi addivintata jardinu pùbblicu; li treni vìnniru addupirati comu mezzu di trasportu nzinu ô 1931. Àutri mpurtanti attrazzioni sunnu l'acquidottu ô quantu di Mriehel, la Basìlica di Sant'Èlina, una dê cchiù beddi cresi di Malta ca havi la campana cchiù granni di l'ìsula.
[cancia] Festi Riliggiusi
La principali festa riliggiusa è chidda di Sant'Èlina, cilibbrata lu 18 di austu si càpita di dumìnica o la dumìnica ca veni appressu. La prucissioni ca accumpagna la cilibbrazzioni è particulari pê granni stàtui di lignu fatti dû sculturi maltisi Salvu Psaila, e è l'ùnica ca si fapi di matina. La prucissioni lassa la basìlica a l'8:00 'n puntu e torna ê 10:45, doppu ca li stàtui hannu statu purtatu pê principali strati dâ cità.
[cancia] Curiusità
Birkirkara è canusciuta pâ sò squatra di palluni, lu Birkirkara F.C., funnatu ntô 1950. Cu tuttu ca nti l'ùrtimi anni hà avutu na squatra di boni jucatura hà truvatu sempri assai difficurtà a vìnciri lu campiunatu, forsi pi via dû nfurzari dê squatri di Valletta e Sliema; arruvau a vìnciri na sula vota.
[cancia] Liami Esterni
| Ìsula di Malta | ||
| Attard · Balzan · Birkirkara (Birchircara) · Birżebbuġa (Birzebbuggia) · Cospicua (Cospicuna, Bormla) · Dingli · Fgura (Figura) · Floriana · Gudja · Gżira · Għargħur · Għaxaq · Ħamrun · Iklin · Kalkara · Kirkop · Lija (Lia) · Luqa · Marsa · Marsaskala (Marsascala) · Marsaxlokk (Marsaslocca) · Mdina (Rabattu, Medina) · Mellieħa · Mġarr · Mosta · Mqabba · Msida · Mtarfa (Marfa) · Naxxar · Paola (Raħal Ġdid) · Pembroke · Pietà · Qormi · Qrendi · Rabat · Safi · San Julian's (San Ġiljan) · Santa Luċija (Santa Lucia) · St. Paul's Bay (San Pawl il-Baħar) · San Ġwann (San Giuvanni) · Santa Venera · Senglea (Isla) · Siġġiewi · Sliema · Swieqi · Ta' Xbiex · Tarxien · La Valletta · Vittoriosa (Birgu) · Xgħajra · Żabbar · Żebbuġ · Żejtun · Żurrieq | ||
| Ìsula di Gozo | ||
| Fontana · Għajnsielem · Għarb · Għasri · Kerċem · Munxar · Nadur · Qala · Victoria (Rabat) · San Lawrenz · Sannat · Xagħra · Xewkija · Żebbuġ |
