Capu d'Orlannu
Di Wikipedia, l'enciclopedìa lìbbira.
| Capu d'Orlannu | |
 |
|
| Muttu: | |
| Nomu ufficiali: | Capo d'Orlando |
|---|---|
| Pruvincia: | Missina |
| Superfici: | 14 km² |
| Abbitanti: | 12.658 |
| Dinzitati: | 904 ab./km² |
| Cumuni cunfinanti: | Capri Leone, Mirto, Naso, Torrenova |
| CAP: | 98070-98071 |
| Prifissu telefònicu: | 0941 |
Capu d'Orlannu è un cumuni di 12.658 abbitanti da pruvincia di Missina.
Lu tirritoriu di l'attuali cumuni prima appartinìa a lu cumuni di Nasu. Nta lu 1925, doppu manifistazzioni dâ pupulazzioni, lu 25 di giugnu s'ottinni la ndipinnenza e lu 27 di sittèmmiru di ddu stissu annu vinni cilibbrata ufficialmenti la nàscita di lu novu cumuni.
Capu d'Orlannu è cunzidiratu, assiemi a Sant'Ajta e Patti, una di li citati principali dû cumprenzoriu dî Nèbbrodi. Vivaci, attivu, rinumatu centru turìsticu e cummerciali, detti li natali ô pueta Lucio Piccolo, cucinu di Giuseppe Tomasi di Lampedusa (v. "Il Gattopardo"). Àutri llustri orlannini sunnu lu riggista Vittorio Sindoni e la giurnalista dû TG3 Giuseppina Paterniti. È sedi di attività artìstichi (pinacuteca cumunali, museu Villa Piccolo), di svagu (Tv locali, cìnima, tiatru, portu, club Blues).
