Domenico Dragonetti
Di Wikipedia, l'enciclopedìa lìbbira.
 |
| Artìculu dâ seria Mùsica |
|
|
|
Storia di la mùsica |
|
|
Domenico Dragonetti (Vinezzia, 9 di aprili 1793-Londra, 16 di aprili 1846), era nu contrabbassista talianu.
[cancia] Vita
Accuminciò a sunari di carusu la chitarra, lu viulinu e lu contrabbassu, e a 12 anni accumincia a sunari cû maistru Michele Berini e a l'annu appressu addiventa primu contrabbassista di l'Opera Buffa di Vinezzia. A 14 anni trasi nta la Grand Opera di Vicenza e appressu pigghia lu postu dû maistru Berini a la cappella di San Marcu a Vinezzia. Sempri a Vinezzia fici amicizzia cû viulinista Nicola Mestrino, e cu iddu fici sprimenti di l'acùstica di dui strumenta scrivennu macari capricci e àutri mùsichi brevi.
Ntô 16 di sittèmmiru dû 1794 sinni va a Londra unni arristau pi cinquanta anni doppu ca sunò pâ prima vota ô King's Theatre. Ntô 1798 sinni jìu a Vienna p'accanùsciri Haydin, e sempri nta sta cità vinni a canùsciri a Beethoven e Sechter. Sempri a Londra sunò nta L'Acien Concert e ntâ Philarmonic Society.
Dû 1804 accuminciò a participari a tutti li Festival di Mùsica ngrìsi ca lu fìciru addivintari famusu spiciarmenti pî sò sunati cû viuloncillista Robert Lindley. E' cunziddiratu maistru dû sò strumentu, e grazzi ô sò versu cu l'archettu s'ammintò un tipu di staccatu pircussivu ca nuddu accanusceva finu a tannu. Travagghiò macari cu Mendelssohn, Liszt, Rossini e Paganini.
La fama li fici addivintari riccu assai, e siggeva pi tri voti di l'àutri musicanti. Accucchiava strumenti musicali quatri e robbivecchi e quannu murìu lassò la sò bibblioteca musicali e li sò scritta a l'amicu Vincent Novello.
Nta li sò mùsichi si ponnu cuntari 8 cuncerti, chiossà di trenta quintetti pi strumenta a arcu e contrabbassu, contrabbassu sulu e accumpagnatu di l'orchestra o dû pianuforti.
