Francu Battiatu

Di Wikipedia, l'enciclopedìa lìbbira.

Franco Battiato (nascìu a Jonia, ca ora si chiama Ripostu, ca s'attrova nnâ pruvincia di Catania, lu 23 di Marzu dû 1945) è n'cantanti, n'musicista e macari pitturi (cuannu tingi teli si firma Suphan Barazani). Nnâ l'ùrtimi anni si misi a fari lu riggista. Unu dî cchiù eclèttici artisti ca cci sù nnâ lu munnu, ha cangiatu tutta la so mùsica, ogni vota nna na manera diversa. Musicau òpiri e balletti ca hannu fattu lu giru d'Italia, misi n'mùsica macari na missa chî paroli di na vota 'n latinu, ca fici lu giru di na picca di chiesi. Scrissi puru na canzuni n sicilianu Veni l'autunnu chi s'attrova nta l'album Fisiognomica.

È cchiù famusu e canusciutu pâ mùsica liggera, ca rapprima era spirimintali, appoi addivintau pop, cangiau pû rock, pi finiri cu sonoritati ca pàrunu mpocu tecnu. E cù tutti sti cangiamenti arriniscìu a tiniri sempri na forma tutta so. Ca nuddu ci arriniscìu a imitari. Ma foru tanti chiddi ca ci cantaru di supra a sò musica. E macari ci fu cuacchidunu ca pigghiau li sò noti, n'amiricanu, e fici na mùsica tutta so'.

Cullaburau cu Giusto Pio, Manlio Sgalambro, Giuni Russo, Alice, Morgan chiddu di Bluvertigo, Andrea Pezzi,

[cancia] La pittura

Comu pitturi li so teli si fannu nutari picchì di sòlitu usa nu sfunnu tuttu duratu, cu suggetti ca spissu pàrunu orientali, casi iconi bizzantini. Usau 'n ritrattu pû librettu di n'opera sò, Gilgamesh. Vidiri li so quatri nun è fàcili. Quannu nun li riala a l'amici, o si 'ppinni nnâ casa so ca è china, li vinni pi 2.000 €, prissappocu.

[cancia] Lu cìnima

Accuminciau a fari lu riggista pî sò videoclip nnû 1979. Appoi però nnô 2003 girau nu film, Perduto Amor, cangiannu tutti li règuli dû cìnima, e pì chistu si po diri ca è n'òpira d'arti dû cìnima, pero nun s'avissi a chiamari film. Nnû 2006 niscìu Musikanten, nu film supra lu mùsicu frammassoni Ludwig van Beethoven. Ca parra macari di ipnosi. Ora sta travagghiannu pi n'àutru film e n'àutru arbum.