Mafia
Di Wikipedia, l'enciclopedìa lìbbira.
Mafia è na palora chi a lu nizziu nnicava n'organizzazzioni criminali origginaria dâ Sicilia. La palora trasìu nti la terminoluggìa munniali pi nnicari àutri organizzazzioni criminali dû stissu tipu dâ mafia, puru si d'orìggini diversi.
Ìndici |
[cancia] Etimoluggìa
L'esprissioni mafia addiventa na palora currenti a pàrtiri dû 1863, cu lu dramma scrittu 'n sicilianu I mafiusi di la Vicaria di Giuseppi Rizzottu e Caitanu Musca, chi appi nu successu granni e fu traduttu 'n talianu, napulitanu e minighinu, diffunnennu lu tèrmini nta tuttu lu tirritoriu talianu.
Secunnu a Giuseppe Pitrè la palora vinìa usata già nta nu riuni pupulari di Palermu e era sinònimu di biddizza e vaggiardizza.
Versu lu 1860 la palora cumpari puru nta ducumenti ufficiali pi nnicari nun sulu l'assuciazzioni di dilinchenti di l'èbbica, ma puru lu tipu di cumpurtamentu di certi strati dâ sucitati siciliana.
[cancia] Orìggini - Di unni veni
Tanti cristiani a la dumanna “ Chi è ca la Sicilia hà datu a l'Italia e ô munnu?”, sunnu pronti a rispùnniri “desi la mafia”, e chissu picchì, la nostra terra nta l'Italia e nta lu munnu è canusciuta sulu pi nzoccu, li giurnali, li radii, li televisioni pubbricìzzanu cu nzistenza, mentri veni ngnuratu lu fattu ca la mafia nun nascìu nta Sicilia, ma nta Spagna.
Già ntô 1412 a Toledo c'èrana li “Onorati società”; la Spagna ntruducìu la mafia ntê sò dominii taliani, e nun sulu nta Sicilia e ntô miridioni di l'Italia (camorra a Nàpuli, ntrangheta 'n Calabbria e onorata società nta Sicilia), ma macari 'n Lumbardìa , comu si vidi ntê Promessi Sposi di Alessandru Manzuni: nfatti, nta lu rumanzu di Manzuni, la sucitati lumbarda dô seicentu veni discritta comu na sucitati mafiusa, cumpreta di tutti li carattirìstichi di l'organizzazzioni mafiusa: lu livellu di basi, unni cumannava don Rodrigo – lu livellu mediu cu l'Innuminatu – e lu livellu di “cùpula” unni c’era lu Conti zio; li “bravi” èranu li killers, Egidio (l'amanti dâ Monica di Monza) era lu cunfidenti, e lu cunzigghiuri era l'avvucatu Azzeccagarbugli.
Nta stu rumanzu dê Promesi sposi, s'attrova macari lu linguaggiu tìpicu mafiusu, comu si leggi ntô capìtulu “Vili”, unni li “bravi” di Don Rodrigo, doppu la “notte degli imbrogli” e lu fallitu rapimentu di Lucìa, minàzzanu lu cònsuli dô paisi di nun fari dinunzia a l'auturitati supra a chiddu c’havi succidutu, "per quanto aveva cara la speranza di morire di malattia".
(Stu pinzeri di comu la mafia, o pi megghiu diri di comu lu cumpurtamentu di tipu mafiusu trasìu n Sicilia e nta tutta la pinìsula taliana, fu fattu di un studiusu eminenti di storia taliana e spiciarmenti siciliana. - Chiddu ca è supra scrittu è libbiramenti pigghiatu e traduciutu di “Sicilia da conoscere e da amare” dô Prufissuri Santi Correnti.
Lu stissu pinzeri vinni fattu di n'àutru granni sicilianu, Liunardu Sciascia, ca sutta veni ripurtamu pi cu havi la pacenza di cuntinuari la littura).
Di Leonardo Sciascia – di “Quaderni Radicali” n. 30 e 31 – Anno XV Gennaio/Giugno 1991 (traduciutu ‘n libbirtati)
“Pi aviri n’idea di comu era origginariamenti la mafia, ni basta pinzari ê cunzidirazzioni ca Manzoni, ntê Promessi Sposi, cunta supra lu finòminu dâ braverìa. Sgherri a tipu i bravi, ô sirvizzu dê ntirissi e dê crapricci dê nòbbuli, foru nta Sicilia li primi asemplari dê mafiusi. Nta Lumbardìa, na vota ca lu dominiu spagnolu fu scanciatu cu chiddu àstricu, cu li riformi suciali e canciamenti di l’ecunomìa, e mprimisi grazzi a la bona crianza dê funziunari di lu statu àstricu e di tutta l’amministrazzioni di lu Statu, la braverìa fù scancillata di la sucitati.
Nta Sicilia, macari quannu li spagnoli nun ci furu cchiù, arristaru li stissi cunnizzioni dô duminiu spagnolu.
Grazzi a na fiudalità arruganti, ca nun vulìa lassari li sò privileggi, chidda ca era prima bravarìa si trasfurmò cô tempu nzoccu è la mafia di oggi.
Nu statu, quali ca iddu è, camina bonu (o non camina) grazzi ê sò funziunari. Nta Sicilia, nu funziunariu ca s’ammustrava anestu, ca nun si facìa currùmpiri, o nun si lassava nfruinzari dê putenti, vinìa lassatu sulu e alluntanatu.
Lu trasirimentu fu, e ancora è accussì, nu sistema aduttatu dô putiri mafiusu pi alluntanari nu funziunariu ca nun stava ô jucu.
La storia dâ Mafia fù, dunca, la storia dâ cumpricità dû Statu, accuminzannu dê Borboni e appoi dê Savoia e, pri finiri, dâ Ripùbbrica Taliana."
Pi dari ancora cchiù valìa a ssu cummincimentu, zoè ca lu cumpurtamentu mafiusu trasìu nta Sicilia cu li spagnoli, purtamu a paraguni n’àutra organizzazzioni criminali ditta macari idda “di stampu mafiusu” e ca spuntau n Campania nta stissa èbbica di la mafia ‘n Sicilia: la camorra napulitana.
Nzoccu âmu cuntatu supra l’orìggini di la Mafia, qualamenti lu cuntu pò èssiri fattu pi la Camorra.
la palora “guappo” pruveni dâ palora spagnola “guapo” e nun manca a sumigghianza tra l’antichi dilinquenti napulitani, chiamati “ferraioli” – pi la capacità d'usari lu cudeddu (ferru) – e li spagnoli di la “società della Guardugna”, ca èranu mafiusi spagnoli di l’èbbica (latri e dilinquenti): cu la duminazzioni spagnola, accuminzau a Nàpuli l’usanza dô duellu cô cuteddu, ca facìa parti di la tradizzioni spagnola. La stissa palora “camorra” pari ca nni veni dô nomu ca vinìa datu a banditi spagnoli, chiamati "gamurri" .
Lu “frieno” è lu statutu dâ camorra napulitana e lu rigulamentu.
Lu "frieno" napulitanu è paru paru lu stissu dô frieno dâ “Guardugna”!.
Ntô frieno dâ Guardugna ci sunnu li funnamenti essinziali poi aduttati dâ camorra napulitana.
Rif.: Russo e Serao, nel loro libro, "La camorra. Origini, usi e costumi dell'annorata soggietà", Napoli 1907
[cancia] Anàlisi
La mafia adotta cumpurtamenti basati supra un mudellu d'econumìa statali, ma è parallela e suttirrània. L'organizzazzioni mafiusa pigghia li soi prufitti di nummurusi tipi d'attivitati criminali:
- tràfucu d'armi
- contraffazzioni
- contrabbannu di sicarretti, tabbacchi e àutri merci
- tràfucu di droga, droghi pisanti e leggî (principarmenti)
- tràfucu di pròfughi clannistini
- jocu d'azzardu
- prustituzzioni
- sichestri di pirsuna
- racket dî estorsioni (pizzu)
- furti
- appalti
- tràfucu di scafi
- frodi agrìculi contra stituzzioni nazziunali e europei.
- usura
[cancia] Mafî taliani
- Cosa nostra - Sicilia
- Camorra - Nàpuli
- 'Ndrangheta - Calabbria
- Sacra Corona Unita - Pugghia
- Stidda - Sicilia
[cancia] Mafî straneri
- Cosa nostra miricana - USA
- Mafia russa - Ex. Urss
- Yakuza - Giappuni
- Triadi - Cina
- Mafia bùlgara - Bulgarìa
- Mafia missicana - Mèssicu
- Mafia albanisi - Arbanìa
- Narcos - Colombia
[cancia] Libbra supra la mafia
- La Giustizia è Cosa Nostra - A. Bolzoni e G. D'Avanzo - Mondadori
- Nel nome del padre - Claudio Fava - Baldini e Castoldi
- La quarta mafia. Storie di mafia in Puglia - Ruotolo Guido - Pironti
- Mafie e antimafie. Rapporto 96 - A cura di Luciano Violante - Laterza
- Mafia, politica e affari. 1943-91 - A cura di Nicola Tranfaglia - Laterza
- In nome del popolo italiano - A cura di Nando Dalla Chiesa - Rizzoli
- Storie di boss ministri tribunali giornali intellettuali - Nando Dalla Chiesa - Einaudi
- Il giudice ragazzino - Nando Dalla Chiesa - Einaudi
- Venticinque anni di mafia. C'era una volta la lotta alla mafia - Saverio Lodato - Rizzoli
- Amici come prima. Storie di mafia e politica nella Seconda Repubblica - Forgione Francesco - Editori Riuniti
- Joe Petrosino - Petacco Arrigo - Mondadori
- Il prefetto di ferro - Petacco Arrigo - Mondadori
- La mafia interpretata - Umberto Santino - Rubbettino
- La mafia, la morte il ricordo - Renate Siebert - Rubbettino
- Cose di Cosa Nostra - Falcone Giovanni; Padovani Marcelle - Rizzoli
- La mafia durante il Fascismo - Christopher Duggan - Rubbettino
- Yakuza: la Mafia Giapponese - Kaplan David e Dubro Alec - Edizioni Comunità
- Storia della mafia - Salvatore Lupo - Donzelli
- La mafia imprenditrice - Pino Arlacchi - Il Mulino
- La vita quotidiana della mafia dal 1950 ad oggi - Fabrizio Calvi - Rizzoli
- Storia della camorra. Dal '500 ai nostri giorni - Paliotti Vittorio - Newton & Compton
- Alle origini della 'ndrangheta la picciotteria - Nicaso Antonio - Rubbettino
- La sacra Corona Unita. Potere e segreto - Massari Monica - Laterza
- L'economia mafiosa - Mario Centorrino - Rubbettino
- I conti della mafia - Mario Centorrino - Rubbettino
- Economia assistita da mafia - Mario Centorrino - Rubbettino
- Mafia 'ndrangheta e camorra. Dagli atti della Commissione parlamentare - Fantò Enzo - Gangemi
[cancia] Film supra la mafia
- Scarface (1932) reggìa di Howard Hawks
- In nome della legge (1949) regìa di Pietro Germi
- Salvatore Giuliano (1961) reggìa di Francesco Rosi
- A ciascuno il suo (1966) reggìa di Elio Petri
- Il giorno della civetta (1968) reggìa di Damiano Damiani
- Il sasso in bocca (1970) reggìa di Giuseppe Ferrara
- Il Padrino (1972) reggìa di Francis Ford Coppola
- Il Padrino parte II (1974) reggìa di Francis Ford Coppola
- Il prefetto di ferro (1977) reggìa di Pasquale Squitieri
- Corleone (1978) reggìa di Pasquale Squitieri
- Il Padrino parte III (1980) reggìa di Francis Ford Coppola
- Mi manda Picone (1983) reggìa di Nanni Loy
- Scarface (1983) regìa di Brian De Palma
- Cento giorni a Palermo (1984) reggìa di Giuseppe Ferrara
- Pizza Connection (1985) reggìa di Damiano Damiani
- Black rain (1989) reggìa di Ridley Scott
- King of New York (1990) reggìa di Abel Ferrara
- Quei bravi ragazzi (1990) reggìa di Martin Scorsese
- La donna contro il racket dell'estorsione (1992) reggìa di Minbo No Onna
- La scorta (1993) reggìa di Ricky Tognazzi
- Giovanni Falcone (1993) reggìa di Giuseppe Ferrara
- Carlito's Way (1993) reggìa di Brian De Palma
- Casino (1995) reggìa di Martin Scorsese
- Hana-bi - Fiori di fuoco (1997) reggìa di Takeshi Kitano
- Tano da morire (1997) reggìa di Roberta Torre
- Testimone a rischio (1997) reggìa di Pasquale Pozzessere
- Donnie Brasco (1997) reggìa di Mike Newell
- Brother (2000) reggìa di Takeshi Kitano
- L'uccisione del sindacalista Placido Rizzotto (2000) reggìa di Pasquale Scimeca
- I cento passi (2000) reggìa di Marco Tullio Giordana
- Giancarlo, giornalista ragazzino (2001) reggìa di Maurizio Fiume
- Alla luce del sole (2005) reggìa di Roberto Faenza
[cancia] Pi sapìrinni cchiossai
- Situ dû piriòdicu Antimafia Duemila
- Rilazzioni dâ cummissioni parramintari antimafia
- Relazione XXIII 31, pi capiri la storia ricenti dâ mafia, l'attivitati di finanziamentu e li ràdichi suciali dû finòminu.
