Scurpiuni
Di Wikipedia, l'enciclopedìa lìbbira.
Lu scurpiuni è nu nvirtibbratu dâ famigghia dî Scorpionidi e di l'òrdini dâ classi di li Aràcnidi, cu corpu appiattitu pruvvistu antiriurmenti di dui rabbusti cheli, lu cui addome si prulonga nta na cuda ca ci havi a l’àpici un puncigghiuni ricurvu vilinusu. St'artròpudi ci havi di dui a cincu para d'occhi latirali cchiù sìmplici e unu cintrali cumplessu. Lu scurpiuni ci havi nu corpu di culuri variàbbili tra lu giarnastru e lu brunastru e n'addomi divisu nta dui parti, di cui chidda pustiriuri tèrmina nta un puncigghiuni vilinìfiru. Ci sunnu nummarusi speci, ca càmpanu speci ntê lochi àridi e disèrtici dî riggiuni trupicali e subtrupicali, ammucciànnusi di jornu nta purtusa o tani ntô tirrenu e niscennu di notti a caccia di predi.
