Tarantella
Di Wikipedia, l'enciclopedìa lìbbira.
 |
| Artìculu dâ seria Mùsica |
|
|
|
Storia di la mùsica |
|
|
La tarantella è nu tipu di cumpusizzioni musicali in 6/8. Arcuni varianti prisèntanu na mètrica di 4/4, comu a quarchi pìzzica salintina, la pìzzica scherma, quarchi varianti piluritana/carunisa e giurgintina; 'n 4/4 (bpm a pàrtiri di 60 nzinu a 90) li fraseggi si cumprètanu 'n 4 e, chiù spissu, 16 muvimenti. Lu nomu veni di la citati di Tàrantu, unni secunnu la tradizzioni n'epidimìa di cunvulsioni pruvucati dî taràntuli avìa cugghiutu la pupulazzioni, chi potti curàrisi sulu ballannu stu tipu di mùsica. Cuntrariamenti â tradizzioni, s'havi a diri chi lu morsu di na taràntula nun è tantu forti di criari probblemi serî â saluti di n'òmmunu o di na fìmmina.
L'orìggini dâ tarantella s'havi a rimuntari ô mediu evu. Oggi asìstinu diversi variazzioni riggiunali. Li cchiù cèlibbri sunnu la variazzioni napulitana, la pìzzica salintina (pìzzica-pìzzica e pìzzica scherma, n'anticchia chiù lenta), li vari di l'àuta Pugghia ("rodianella", "carpinese", cunfusi a li voti cû tèrmini sbagghiatu e troppu giniralizzanti "Tarantella del Gargano") e li tanti tarantelli siciliani (curdedda, contrudanza o contradanza, tarantella d'amuri), sunati cu lu friscalettu , fisarmònica e accumpagnata tipicamenti di nu marranzanu , bummuliddu e tammuredda.
Àutri strummenta solitamenti sunati sunnu la chitarra dû vinu (chiamata puru chitarra taliana o chitarra battenti), sunata assai ntâ Calabbria e nta l'àuta Pugghia; lu viulinu, sunatu assai ntô Salentu; l'organettu a jamma, l'organettu a vucca e diversi àutri particulari strummenta p'ogni zona.
 |
Purtali di lu Salentu – Jiti a l'artìculi di Wikipedia supra lu Salentu. |
