Pitrè:Tiurìa dî soni

Di Wikipedia, l'enciclopedìa lìbbira.

La tiurìa dî soni fa parti dâ Grammatica Siciliana di Giuseppe Pitrè (pubbricata ntô 1875). Si tratta supratuttu dî canciamenti dî soni tra lu latinu e la lingua siciliana. Sutta putiti truvari un astrattu di sta tiurìa dû libbru numinatu.

Ìndici 1 Vucali 1.1 Vucali accintati 1.2 Vucali nun accintati 2 Cunsunanti 2.1 Soni labbiali 2.1.1 P 2.1.2 B 2.1.3 F 2.1.4 V 2.1.5 M 2.2 Soni gutturali 2.2.1 C 2.2.2 Q 2.2.3 G 2.2.4 J 2.2.5 H 2.3 Soni linguali 2.3.1 T 2.3.2 D 2.3.3 S 2.3.4 N 2.3.5 L 2.3.6 R 3 Assirvazzioni ginirali

[cancia] Vucali

[cancia] Vucali accintati

1. Pâ maggiuranza di casi, la A arresta (ma clavus - "chiovu").
2. La E longa raramenti arresta: venenum - "vilenu"; ecclesia - "cresia"; heredem - "reda"; e pejus - "peju" (peiu). Usuarmenti si trasforma ntâ "I", p'asempiu: acetum - "acitu"; havere - "aviri"; catena - "catina"; credere - "cridiri"; fidelis - "fidili"; legem - "liggi"; mensem - "misi"; moneta - "munita"; offensa - "offisa"; placere - "piaciri"; pensum - "pisu"; sera - "sira"; e vena - "vina".
3. La E brevi davanti cunsunanti sèmplici arresta, supratuttu davanti N, C e S, p'asempiu: ad heri - "aèri"; centum - "centu"; decem - "deci"; intendere - "ntènniri"; in-exire - "nèsciri"; rendere - "rènniri"; descendere - "scenniri"; e tendere - "tènniri". Raramenti si trasforma ntâ I, p'asempiu: esca - "isca"; antenna - "ntinna"; e arabesca - "rabisca".
4. La I giniralmenti arresta, p'asempiu: dictum - "dittu"; littera - "littira"; nidus - "nidu"; pilus - "pilu"; strictus - "strittu"; e spissus - "spissu". Raramenti si trasforma ntâ E, p'asempiu: impius - "empiu"; genista - "inestra"; in simul - "nzèmmula"; milzi - "meusa"; e arista - "resta".
5. La O arresta quarchi vota, p'asempiu: quomodo - "comu"; longus - "longu"; occidere - "occidiri"; oleum - "ogghiu"; boves - "voi"; homo - "omu"; hordeum - "oriu"; hortus - "ortu"; ossa - "ossa"; orbu - "orvu"; ova - "ova"; e rota - "rota". Pâ maggiuranza di casi, la O lunga chi si trova in sillaba aperta (spiciarmenti davanti "S", "L", "N" e "R") si trasforma ntâ "U", p'asempiu: amorem - "amuri"; autorem - "auturi"; adorat - "adura"; dolorem - "duluri"; majorem - "maggiuri"; perdono - "pirdunu"; rationem - "raggiuni"; solus - "sulu"; hora - "ura"; e spiciarmenti nnâ forma latina -usus: amorosus - "amurusu"; umbrosus - "umbrusus"; nnâ forma latina -one: portone - "purtuni"; e poi frontem - "frunti".
6. La "U" si resta quasi sempri, raramenti si trasforma ntâ O, p'asempiu: grus - "groi"; diurnum - "jornu"; mulier - "mogghi"; o ntâ I, p'asempiu: geneculum - "inocchiu"; feneculum - "finocchiu"; e hirundinem - "rindina".
7. Ae s'accosta â E, p'asempiu: caelum - "celu"; o â I, p'asempiu: muraena - "murina".
8. Au si resta, p'asempiu: laurus - "addauru"; da laus - "lausu"; o addiventa O: aurum - "oru"; causa - "cosa"; o U: cauda - "cuda"; e pauperem - "puviru".

[cancia] Vucali nun accintati

Nprincipiu:

1. La vucali nun accintata ô principiu si elidi, p'asempiu: antenna - "ntinna"; ampulla - "mpulletta" o "mpullina"; appetitus - "petittu"; arabesca - "rabisca"; arista - "resta"; arena - "rina"; axilla - "scilla"; ecclesia - "cresia"; heredem - "reda"; hirundinem - "rindina"; eremita - "rimitu"; examen - "ciamu"; ignorantem - "gnuranti"; incudenem - "ncunia"; intra - "ntra"; interesse - "ntressu"; hystericus - "stericu"; ipsum, ipsam - "ssu, ssa"; in-calcare - "ncarcari"; in-dignari - "ndignari"; inclinare - "nchinari"; indovinare - "nduvinari"; incrispare - "ngrispari"; infiammare - "nciammari"; in-somniare - "nsunnari"; intendere - "ntenniri"; in-ebrius - "mbriacu"; imbarcare - "mmarcari"; inventare - "mmintari"; immiscare - "mmiscari"; in-murmurare - "mmurmaruari"; impingere - "mpinciri"; impensus - "mpisu"; in-praestare - "mpristari"; in casa - "ncasa"; in collo - "ncoddu"; in facie - "nfacci"; in fondo - "nfunnu"; in grammathica - "ngrammatica"; in joco - "niocu"; in-ab-ante - "nnavanti"; in quantitae - "nquantitati"; in sella - "nsedda"; in summa - "nsumma"; in tanto - "ntantu"; in terra - "nterra"; in testa - "ntesta"; in manu - "mmanu"; in medio - "mmenzu"; in veritae - "mmiritati"; in bucca - "mmucca"; in pectore - "npettu"; ορειγανον - "riganu"; horologium - "roggiu"; obscurus - "scuru"; obscurare - "scurari"; una - "na"; urinale - "rinali"; e umbilicus - "villicu".
2. Tanti voti la parola si pigghia la A unni cc'era la pripusizzioni ad, p'asempiu: ad heri - "aieri"; mentha - "amenta"; ad-monstrare - "ammustrari"; ad regalare - "arrigalari"; ad-re-in-exire - "arrinesciri"; ad-re-ex-vigilare - "arrisbigghiari"; ad-recreare - "arricriari"; ad-resecare - "arrisicari"; ruta - "aruta"; ad-turbare - "attruvari"; e cio è - "azzoè".
3. Quarchi vota li vucali ô principiu dî paroli si mutanu: Au ntâ O: auctorem - "oturi", ma puru ntâ A: auscultare - "ascutari"; E ntâ A: heri sera - "assera" o "arsira" e ebur - "avoliu"; O ntâ A: oleastrum - "agghiastru" e olearium - "agghialoru"; e U ntâ A: utrica - "ardica".

Mmenzu:

1. Li vucali nun accintati quarchi vota si spriscinu, p'asempiu: scarabaeus - "scravagghiu"; littera - "littra"; periculum - "priculu"; speranza - "spranza"; theriacum - "triacali"; anima - "arma"; animus - "armu"; animali - "armali"; soricem - "surci"; pulicem - "purci"; oculus - "occhiu"; ferula - "fera"; merula - "merru"; carolus - "carru"; e collocari - "curcari".
2. Cchiù raramenti silli nzitanu, ma sulu la "I", p'asempiu: χαταπλασμα - "cataprasimu"; σπασμοσ - "spasimu"; e (ulandisi) flits - "fileccia".
3. I e U, cu pochi eccizzioni, si trasformanu mmenzu â parola ntôn modu simili c'arresta la A, p'asempiu: ricamare - "raccamari"; e disparere - "spiriri".
4. E si muta pû cchiù ntâ I, p'asempiu: cadere - "càdiri"; credere - "crìdiri"; ponere - "poniri"; pendere - "penniri"; memoria - "mimoria"; medulla - "midudda"; negari - "nigari"; littera - "littira"; da persona - "pirsunaggiu"; refectorium - "rifittoriu"; subterraneus - "suttirraniu"; e veracem - "viraci". Quarchi vota la E si muta ntâ A (davanti la R): cameraria - "cammarera"; carcerem - "carzara"; suber - "suvaru"; sternutare - "stranutari"; e praecoquus - "varcocu".
5. I arresta o si muta ntâ A: anisum - "ànasu"; e silvaticus - "sarvaggiu".
6. La O si muta spissu ntâ U: compati - "cumpatiri"; computare - "cuntari"; continuus - "cuntinuu"; fortunatus - "furtunatu"; momentum - "mumentu"; portare - "purtari"; possidere - "pussidiri"; tormentare - "turmintari"; e quarchi vota ntâ A: sulphur - "surfaru".

Nfini:

1. Si arrestanu senza eccizzioni A, I, e U. E e O si mutanu ntâ I e ntâ U.
2. La E si pò trasfurmari ntâ U: glaciem - "iazzu"; laudem - "lausu"; mollem - "moddu"; interesse - "ntressu"; e salutem - "salutu"; o ntâ A: propaginem - "purpaina".

[cancia] Cunsunanti

[cancia] Soni labbiali

[cancia] P

1. La P in principiu dâ parola, innanzi davanti la vucali e la R, arresta: palumbes - "palummi"; patrunem - "patruni"; pellis - "peddi"; pilus - "pilu"; per - "pri"; e prensus - "prisu".
2. Nnâ secunna sillaba la P quarchi vota si raddoppia: de post - "doppu"; doppu S, tra dui vucali o davanti R s'addiventa B: da leporem - "lebru"; resplendere - "risblenniri"; splendorem - "sblennuri"; da palam - "sblancari"; cupa - "cubu"; cupola - "cubula"; autri voti si trasforma ntâ V tra dui vucali: da papilionem - "pavigghiuni"; e pauperem - "puviru". Nnâ maggiuranza di casi, s'arresta comu è.
3. Ntô sicilianu Pl addiventa quasi sempri "chi" siddu si segui na vucali: plaga - "chiaga"; planum - "chianu"; plango - "chianciu"; plantare - "chiantari"; e platea - "chiazza". Quarchi vota addiventa "pi": duplum - "duppia"; o "gghi": scoplus - "scogghiu". Pt perdi la P in principiu di parola. Ntô menzu si assimila â "tt": ruptum - "ruttu". Ps is trasforma ntâ "ss" e "sci": capsa - "cascia"; e ecc'ipsum - "chissu". Pi (pj) in "ci": apium - "accia"; sapientem - "saccenti"; sapio - "sacciu"; e sepia - "siccia".

[cancia] B

1. In prima sillaba la B arresta, o veni sustituita dâ V: balneum - "vagnu"; bilancem - "valanza"; barca - "varca"; barba - "varva"; basiare - "vasari"; basium - "vasatu"; bassus - "vasciu"; bovem - "voi"; boscus - "voscu"; blond - "vrunnu"; bucca - "vucca"; bollire - "vugghiri"; bursa - "vurza"; e brachium - "vrazzu".
2. In secunna sillaba si pò raddoppiari: librum - "libbru"; Phoebus - "Febbu"; o veni sustituita a) dâ V, spiciarmenti mmenzu a vucali o appressu la R: habere - "aviri"; arborem - "arvulu"; herba - "erva"; febris - "frevi"; Februarius - "Frivaru"; orbus - "orvu"; taberna - "taverna"; tribulari - "trivulari"; b) cchiù raramenti dâ F: (tuscanu ribaldo dû tudiscu briba) - "rifaudu"; c) dâ P: babuit - "appi"; o si perdi davanti vucali, spiciarmenti davanti la "U": habes - "ai"; diabolus - "diaulu"; fabula - "faula"; nebula - "neula"; e tabula - "taula".
3. Si assimila in:

• • bt a tt: subtus - "sutta"
  • bj a ggi: cambiare - "canciari"; rabies - "raggia"
  • mb a mm: da bucca - "ammuccari"; da lambere - "allammicari"; catacomba - "catacummi"; combattere - "cummattiri"; conventus - "cummentu"; conservare - "cummisari"; gamba - "gamma"; succumbere - "succummiri"; e da trumba - "trumma"

[cancia] F

1. La F s'arresta pû cchiù senza canciata: fidelis - "fidili"; ma ogni tantu addiventa la B: (arabu) gerâf - carrabba.
2. Fl s'arresta in "flautu", o addiventa fi: floccus - "fiocco"; franc. fleuret - "fiurettu". Cchiù spissu addiventa sci, scrittu comu ci, e na vota x comu lu napulitanu e lu purtughisi: flamma - "ciamma"; flatus - "ciatu"; flare - "ciatari"; franc. flairer - "ciurari"; flumen - "ciumi"; florem - "ciuri"; florire - "ciuriri".

[cancia] V

1. In principiu di sillaba si cancia qualchi vota câ B: votum - "butu"; o cu Gu ntê vuci d'uriggini tudischi: wartên - "guardari"; wastjan - "guastari"; o si perdi: vulpem - "urpi".
2. Mmenzu la parola:

• • spissu si cancia ntâ B: spiciarmenti doppu la S: ad viam - "abbia"; ad visare - "abbisari"; re-ex-vigilare - "arrisbigghiari"; per verum - "pribbiru"; ventu - "sbintuliari"; venter - "sbintricari"; ex-voltare - "sbutari"
  • scumparisci in favilla - "faidda"; pavo - "paunazzu"; o si muta nta J: avena - "ajina"; o la G: pavo - "pagu"
  • veni nzitata apressu la u: vidua - "viduva"; pluere - "chioviri"
  • mv e nv addiventa mm: in-velenare - "mmilinari"; inventare - "mmintari"; in veritate - "mmiritati".

[cancia] M

1. Giniralmenti la M arresta. Ogni tantu si radoppia doppu vucali tonica: cucumerem - "cucummaru"; tumulus - "tumminu"; numerus - "nummuru"; vomerem - "vummaru"; vomitare - "vummicari".
2. Mi addiventa gn: simia - "signa".

[cancia] Soni gutturali

[cancia] C

1. La C dura s'arresta in principiu nurmalmenti: caput - "capu"; ogni tantu si raddoppia: ccà, cchiù. Autri voti si muta ntâ G: cavea - "gaggia"; camelus - "gamiddu". Raramenti si scumparisci: cammarus - "ammaru" (tud. Hummer); cubitum - "uvitu".
2. Mmenzu na parola, s'arresta cchiù raramenti: ex-sucare - "asciucari"; lactuca - "lattuca"; locus - "locu". Nurmalmenti s'addiventa G: encaustum - "inga" (ng. ink); locusta - "lagusta"; recordari - "rigurdari".
3. Ct si assimilia a tt: factum - "fattu". Cs addiventa ss: fixum - "fissu", o sci: maxilla - "mascidda", examen - "sciamu". Cl si muta in chi: claudo - "chiudu", clavus - "chiovu".
4. L C palatina:

• • quarchi vota si dubbula: innocentem - "nnuccenti;
  • spissu passa nta nautru sonu sibbilanti, spiciarmenti in zz: aciarium - "assaru, bracium - "vrazzu"; li diminutivi -uzzu, li peiurativi -azzu;
  • raramenti addiventa s: caleci - "causi";
  • quarchi vota si scumparisci ntô princìpiu di na palora: cisterna - "jisterna"; e nnô menzu tra vucali: facere - "fari", dicere - "diri".

[cancia] Q

1. Davanti a, o, u s'arresta senza canciata: quando - "quannu", quantum - "quantu"; o addiventa c: quartabuono - "cartabonu", squama - "scama";
2. Avanti e si passa in c: quercus - "cersa", o in z: laquesu - "lazzu";
3. Avanti i s'arresta Qu: quintus - "quintu", seguitare - "siquitari"; o pigghia la c dura: quietare - "cuitari", qui, quid - "chi".

[cancia] G

1. Davanti a, o, u e davanti cunsunanti, la G si priserva lu sonu gutturali: ô princìpiu dâ sillabba s'arresta ntâ sò forma nurmali: gallus - "gaddu", granum - "granu", gryllus - "grillu"; o si muta in C o J; ntô menzu s'arresta senza canciata o addiventa C: sugere - "sucari", alga - "arca", o J, spiciarmenti davanti la N: regnum - "regnu", dignum - "dignu", ecetra.
2. Davanti e, i la G pigghia lu sonu palatinu, ma si pò canciari ntâ J: gelu - "jelu", genista - "jinestra", geneculum - "jinocchiu", gypsum - "jissu", fugere - "fujiri" e plaga - "plaja".
3. Doppu n addiventa spissu la c: "ancilla" - angilla, "chianciri" - plangere, "finciri" - fingere, "pinciri" - pingere, "strinciri" - stringere.
4. G si perdi quarchi vota ô principiu davanti r, p'asempiu, "ranu" - granu, "rappa" - (tuscanu) grappolo (ma sta canciata fa parti chiutostu di certi parrati) e nnû menzu di vucali, p'asempiu: "affatiarisi" (di fatigare), "fràula" - fragola, "friiri" o "frijiri" - frigere, "fuiri" o "fujiri" - fugere, "maistru" o "mastru" - magistrum, "purpaina" - propaginem, "reula" - regula, "rua" - ruga (fran. rue), "riiddu" - regulus, regillus.

[cancia] J

1. Cchiù spissu cunserba lu sonu latinu ja: "jinnaru" - januarius, "jiniparu" - jiniperus, "jovidia" - jovis dies, "jucari" - jocare, "judici" - judicem, "juntu" - junctus, "jurnata" - diurnum, "jurari" - jurare, "maju" - majus, "peju" - pejus.
2. Lu mutamentu comu lu talianu dâ J 'n gi succedi raramenti: "giuvari" - juvare, "suggetti" - subjecti, "suggiunciri" - subjungere. Doppu la n la j si muta quarchi vota 'n ci: "nciuria" - injuria.
3. Nnâ prununza si senti spissu lu jatu, p'asempiu, "a jiri" si prununza "agghiri".

[cancia] H

La H si sparisci.

[cancia] Soni linguali

[cancia] T

1. La T ô principiu s'arresta: "tema" - thema, "tempu" - tempus, "testa" - testa.
2. Ntrô menzu di: a) du vucali o davanti la r, cci arresta, "latru" - latro, "scutu" - scutum, "spata" - σπάδή, "spitali" - spedale (tuscanu), "squatruni" - squadrone (tuscanu); b) doppu la r, quarchi vota passa 'n d, "ardicula" - urtica, "spirdu" - spiritus; e sparisci 'n "arreri" (ad retro).
3. Ti - davanti a na vucali addiventa Z: "accuminzari" - ad-cum-initiari, "cuscenza" - conscientia, "pacenza" - patientia, o C, "pacenza" - patientia.
4. St addiventa ss: "avissi" - habuisti, "fussi" - fuisti.

[cancia] D

1. Nginirali la D s'arresta custanti ô principiu di paroli, ma 'n casi rari si muta 'n T, p'asempiu, "taddema" - diadema.
2. Mmenzu di parola: a) si raddoppia, "teddiu" - taedium, "rimeddiu" - remedium; b) passa 'n t (davanti la r mmenzu a vucali) "citru" - cedrus, "cutugna" - χΰδώντον, "cuncutrigghiu" - χροχοδειλος, o 'n R, "mirudda" - medulla, e 'n "cicala" (cicada) addiventa l.
3. S'attrova contrappusizzioni 'n "fradiciu" - fracidus, "jiditu" - digitus, "jiditali" - digitalia.
4. Quarchi vota si sparisci mmenzu a na vucali o doppu la r: "appujari" - da podium, "oi" - hodie, "raìa" - radius, "oriu" - hordeum.
5. Cci veni agghiunciutu 'n "strudiri - distruere.
6. Nd si assìmila quasi senza ccizzioni: "abbunnari" - abundare, "abbannunari" - abbandonare, "abbanniari" - bandjan (gòticu), "accènniri" - accendere, "appenniri" - appendere, "benna" - binde (tudiscu), "cunnannatu" - condemnatus, "cunnuciri" - conducere, "emennari" - emendare, "funnu" - fundus, "munnu" - mundus, "quannu" - quando - "stenniri" - extendere, "vinnitta" - vindicta.
7. Dr addiventa rr: "arretru" - ad retro, "furra" = fôdr (gòticu), "arricriari" - ad-recreare.

[cancia] S

1. Nnû principiu arresta nvariàbbili; raramenti passa 'n z: "zorba" = sorbum.
2. Mmenzu nurmalmenti addiventa z doppu la n e la r: "nzaccari" - saccus, "nzèmmula" - in-simil, "nzumma" - in summa, "nzusu" - in-sursum, "nzignari" - in signare, "ricumpinzari" - recompensare, "senzu" - sensu; o ci: "caciu" - caseus, "facianu" - phasianus; o sci 'n "sciorta" - sortem; e si raddoppia 'n "acussì" - aeque sic.
3. 'N fini si muta 'n i: "nui" - nos, "poi" - post, "sei" - sex.
4. Ss addiventa sci 'n "vasciu" - bassus; e zz 'n "pozzu" - possum.

[cancia] N

1. Nnû principiu arresta nvariàbbili, (ma nnâ parrata sparisci 'n "'un" - non).
2. Mmenzu si raddoppia 'n "cinniri" - cinerem, "tènniru" - tenerum. Passa 'n l nnâ vuci "vilenu" - venemum; avanti di m e n si pò addivintari r: "arma" - anima, "armali" - animali, "armu" - animus. S'attrovu misu mmenzu 'n "menzu" e "cuncutrigghiu" (tuscanu: mezzo e coccodrillo).
3. Ns s'attrova ridiciutu a s 'n "misi" - mensis, "pisu" - pensum.

[cancia] L

1. Nnû principiu arresta nvariàbbili.
2. Mmenzu arresta, ma si raddoppia 'n "dilluviu" - diluvium.
3. Spissu si muta 'n r. P'assimilazzioni: "carru" - carolus, "ferra" - ferula, "merru" - merulus, "parrari" - tuscanu parlare. Tra vucali: "pillora" - tuscanu pillola. Avanti soni palati: "arca" - alga, "arcova" - algobbah (àrabbu), "archimia" - al-kîmia (àrabbu), "curcari" - collocare, "quarcunu" - qualisquam unus. Avanti soni dintali: "ùrtimu" - ultimus. Avanti soni labbiali: "corpu" - colpo, "purpa" - pulpa, "surfaru" - sulphur, "purvuli" - pulvurem, "sarvaggiu" - silvaticus, "sarvari" - salvare, "sarvia" - salvia, "parma" - palma. Doppu li soni palatali: "cresia" - ecclesia. Doppu li labbiali: "praja" - plaga, "praci" - placet, "affrittu" - afflictus.
4. Cchiù raramenti la l passa 'n n: "perna" - perla.
5. Avanti li soni linguali (t, d, s, z) la l si muta 'n u: "autari" - altare, "autu" - altus, "sautari" - saltare, "caudu" - calidus, "fausu" - falsus, "sausa" - salsa. Cchiù raramenti avanti c: "cauci" - calcem, "fauci" - falcem.
6. Appressu la u, si scumparisci: "ascuta" - ausculta, "cuteddu" - culter, "pusu" - pulsus, "ricotu" - re-collectus, "rivutari" - re-volutare, "vota" - voluta, "vosi" - voluit.
7. 'N pl, bl, cl s'arramodda 'n j.
8. Ll si muta quasi sempri ntô sonu cacuminali Dd: "addivari" - allevare, "amuddiri" - ad-molire, "beddu" - bellus, "coddu" - collum, "dda" - illâ, "ddu" - illum, "moddu" - mollis, "nuddu" - nullus, "peddi" - pellis, "sedda" - sella, "stidda" - stella.
9. Li si muta quasi sempri 'n gghi: "cunzigghiu" - consilium, "famigghia" - familia, "figghiu" - filus, "fogghiu" - folium, "megghiu" - melius, "ogghiu" - oleum, "scegghiri" - ex-eligere, "spugghiari" - spoliare, "tagghiari" - talea.

[cancia] R

[cancia] Assirvazzioni ginirali