Islam
Frae Wikipedia
Islam (Arab:الإسلام or al-islām, "submission") is a monotheistic Abrahamic releegion foondit on the life an teachins o Mohammad. The fowk that follaes this releegion is cried "Muslims". Muslims cry God "Allah". The Haly Beuk o the Muslims is cried the Quran. Islam is claimed by some tae be the warlds 2nt lairgest releegion wi 1,000,000,000 follaers.
The Quran is believed bi the follaers o Islam tae be the revealed wird o God an the Prophet Mohammad believed tae be the final Prophet sent bi God tae reveal His message tae mankynd.
In the 7t Century AD the Byzantine an Sassanide Empires wis the twa mucklest pouers in whit the day is cried the Middle East. Bedouin Arab merchands wad cross the desert tae touns lik Damascus fae Arab trade centres sic as Makka (or Mecca as its nou cried ) an Yathrib (later tae be re-cried Madina, or "ceety".
In places sic as Syria, Iraq an Egypt, whaur nouadays Arabic leids is spaken, Pre Islamic civilisations haed been in existence for an awfu lang time. Throu the sae cried Gowden Age o Islam (atween aboot 900 AD an 1300) touns lik Damascus an Baghdad becam important centres o scienteefic an philosphical discovery. Mony texts that haed been lang tint tae the Wast o Europe, wis pitten ower fae the greek intae the Arabic (an in Islamic Spain intae the Laitin an aw)
Feegurs sic as Plato, Galen an Pythagoras wis reintroduced throu the Arabic leid. Translators an ither scholars teached in Seecily an Spain, at the new Varsities o Palermo an Cordoba, the first European Varsities, syne the closin o the Pagan schuils bi the Kirk in the sae cried Derk Ages. Ither feegurs, sic as Ibn Sinna (kent as Avicenna in the Wast) an Ibn Rushd (or Averoes) eikit oreeginal thochts an ideas tae the contreebution o Islam's scholarship tae post Roman Europe.
Maist Muslims thinks it's wrang tae draw the prophet Muhammad or Allah. Acause o this, Islamic Airt is aft gey geometric an abstract.
This airticle's a stub. Ye can gie Wikipædia a haund bi eikin til it.Categories: Stubs | Islam | Releegion
