Japanese leid

Frae Wikipedia

Japanese (日本語 "Nihon-go" or "Nippon-go" in Japanese) is the leid spak on the island kintra o Japan, in Eastren Asia.

Japan haes juist the five vouel soonds. They are /a/, /i/, /u/, /e/, /o/. Japanese haes juist the ae soond atween L an R, steid o the twa soonds that Scots haes. That's hou it's difficult fir mony Japanese fowk tae say the Scots 'R' an 'L'. Japanese haes a soond no aft foond in Scots that's usually wrat Tsu. Forby thon, vouels can be baith short or lang. Fir example, benkyousuru （べんきょうする）(tae study) haes a lang "o".

In Japanese, the verb cams at the end o the sentence, an the subject's at the beginnin. The subject is aften implee'd bi the context an can be left oot.

In Japanese, Japan is cried Nihon (日本), an the Japanese leid is cried Nihongo (日本語) (-go means leid). Whiles the wirds Nippon and Nippongo is uised an aa; these wirds is thocht o as mair nationalist the noo, while Nihon is a mair neutral wird.

[edit] Writin seestem

The Japanese leid uises three writin seestems, kanji (漢字), katakana (カタカナ) and hiragana (ひらがな). Katakana is fir writin sound effecs and wirds fae ootside o Japan. Hiragana is fir writin wirds fae inside Japan. Baith writin seestems hae seembols that mean a syllable. Katakana has strauchter lips an shairper neuks nor hiragana. Hiragana haes mair bowes nor katakana.

The third way tae write, cried kanji (漢字), whaur ilka wird or idea haes a pictur character taken fae Cheenese. For tae be able tae read Japanese, students maun lear aroond 2,000 kanji. Mony kanji are made fae mair smaa, sempler kanji.Kanji hae unalike soonds whan uised in unalike weys, bit ilka kanji still haes anerly certaint weys it can be read.

Written Japanese disnae hae spaces atween wirds, sae kanji helps separate wirds in a sentence.

Japanese can be wrat in twa weys:

Fae left tae richt, muvin fae the tap tae the dowp o the page (same as in Scots).
Fae top tae dowp, muvin fae the richt tae the left o the page.

Sentences in Japanese is makkit like this: subject, object, verb. Fir example, Ah ate an apple the day (今日、私はりんごを食べました) wad be in this order The day, Ah apple ate.