Vasco da Gama
Frae Wikipedia
Vasco da Gama (1469?-24 December, 1524) wis a Portuguese sailor. He wis the first European that gaed ti India aboot the Cape o Guid Howp, the sooth tip o Africa. He gaed ti India twice bi ship, atween 1497 an 1499.
On 8 Julie, 1497 fower ships (the São Gabriel, the São Rafael, the Berrio, an a bairge that's name isna kent) sailed frae Lisbon an his first trip ti India stairtit. Afore him naebodie haed raxed Sooth Africa. Wi Christenmas near they gied the coast they war passin the name o Natal (Christenmas in Portuguee), that it aye haes til this day. Bi Januar they haed raxed the laund nou kent as Mozambique, Arab-controlled laund on the East African coast that wis pairt o the Indian Ocean's netwark o troke. Haein gotten that faur, da Gama coud uise a pilot at Malindi, that brocht the expedeetion the lave o the gate ti Calicut (the richt Malayalam name is Kozhikode) on the soothwast coast o India on 20 May, 1498. He wun back ti Portugal in September 1499.
This airticle's a stub. Ye can gie Wikipædia a haund bi eikin til it.
