Kazimierz Kuratowski
Da Wikipedia, ła ençiclopedia libara.
Kazimierz Kuratowski (Varsavia, 2 de febraro 1896 - 18 de giugno 1980) el xe stà uno dei magiori matematici połachi.
Indice |
[modifica] Ła vita
Kuratowski el xe stà dal 1927 profesor de matematica al Politechnika Lwowska (Połitènico de Lviv, in Polonia) e dal 1934 a l'Università de Varsavia. 'Ntel 1945 el xe devegnù membro de ła Polska Akademia Umiejętności (Academia Połaca de l'Insegnamento), e 'ntel 1952 de l'Academia Połaca de łe Sienzse. Dal 1948 al 1967 el xe stà diretor de l'istituto de matematica de l'academia soradita, e par tanti ani el xe stà anca presidente de ła International Mathematics Society e de ła rispetiva Società Matematica połaca.
Kazimiertz Kuratowski el xe stà un frequentador del celebre Kawiarnia Szkocka (Café scozsexe), dove i matematici de ła formidabile scóła połaca dei primi deceni del XX secoło i era sołiti catarse par confrontar łe proprie idee.
[modifica] Ła ricerca
Ła ricerca de Kuratowski ła xe stà incentrà principalmente sul studio de strutture metriche e topołogiche astrate. Tra i so numeroxi contributi a ła matematica va ricordà:
- El studio dei spazi połachi (che i ciapa el so nome proprio dai matematici połachi che i li gà studiè, come Wacław Sierpiński, Alfred Tarski, e apunto Kazimierz Kuratowski);
- Ła caraterixazsión dei spazsi de Hausdorff mediante i cosideti asiomi de chiusura de Kuratowski;
- Ła dimostrazsión del Lemma de Kuratowski-Zorn;
- In teoria dei grafi, ła celebre caraterixazsión dei grafi planari, mediante el Teorema di Kuratowski par i grafi;
- L'identificazsión de łe coppie ordinate (x,y) co l'insieme {{x},{x,y}}.
- L'introduzsión de l'algoritmo de Tarski-Kuratowski riguardante ła risoluzsión de formule aritmetiche.
[modifica] Varda anca
- Kawiarnia Szkocka
- Alfred Tarski
- Spazsio połaco
[modifica] Bibliografia
- Kazimierz Kuratowski, 1980, A Half Century of Polish Mathematics: Remebrances and Reflections, Pergamon Press, Oxford, ISBN 0-08-023046-6
- Karol Borsuk, 1960, On the achievements of Prof Dr Kazimierz Kuratowski in the realm of topology, in: Wiadomosci matematyczne, vol. 2, issue 3, pages 231-237
