Lago de Garda
Da Wikipedia, ła ençiclopedia libara.
|
Sto articolo l'è scrito en diałeto veronexe
|
| Lago de Garda | |
|---|---|
| Paese/i: |  Itałia |
| Regione/i: | Lombardia, Veneto, Trentin-Alto Adexe |
| Provincia/e: | Brescia, Verona, Trento |
| Superficie: | 370 km² |
| Altitudine: | 65 m s.l.m. |
| Profondità masima: | 346 m |
| Imisari prinzsipałi: | {{{immissarilago}}} |
| Emisari prinzsipałi: | {{{emissarilago}}} |
| Bacino imbrifero: | km² |
El Lago de Garda, o Benàco, l'è lago italian piesè grando, visto ch'el ciapa suparxó 370 km;. Tut'intorno al lago è vegnù su nei secołi un saco de bei paesetti: in provincia de Brescia gavemo Sirmion, Desenzano del Garda, Lonato, Padenghe sul Garda, Moniga del Garda, Manerba del Garda, San Felice del Benaco, Salò, Gardone Riviera, Toscolano-Maderno, Gargnano, Tignale, Tremosine, Limone, in provincia de Verona ghè Peschiera del Garda, Castelnovo del Garda, Lazise, Bardolin, Garda, Torri del Benaco, Brenzone, Malcesine e par finir in provincia de Trento gavemo Riva del Garda, Nago-Torbole.
Indice |
[modifica] Come ch'el sà formà
La parte nord del lago l'è longa e streta, con de łe bełe montagne tut'intorno, de cui cuełe piesè grandi le fa parte del Gruppo del Baldo. La forma l'è cuea tipica di na valle morenica: se pensa infati che sta parte qua del lago la sia stà fata da un ghiacciaio paleolitico. El fiume Sarca l'è el principałe affluente tra 25 immisari, tra cui gavemo l'Aril, longo pena 175 metri, che l'è ritegnù el fiume piesè curto del mondo. L'unico emisario del lago l'è el fiume Mincio.
[modifica] Le isołe
Nel lago a ghè çinque isołe: la piesè granda l'è l'isola del Garda e giusto in parte ghè l'isola de San Biajio ciamada anca "dei Coneji", tute dó piantà dałe parti de San Felice del Benaco, verso Salò suła costa bresciana. Le altre tre, piesè picenine jè l'isola del'Olivo, l'isola de Sogno e l'isola de Trimelone piantà suła costa veneta tra Malcesine e Brenzone.
[modifica] El clima
El clima mite el gà fato vegner su varie piante mediterranee (tra cui l'ulivo), e el gà fato sì che el Lago de Garda el deventese na meta turistica internazsionałe. Sempre famose, anca se ghe n'è manco che na olta, jè le limonàre, de łe serre cołe porte scorrevoli in dove che i limonari e i cedri anca d'inverno i sta ben che no se sa. Cuando vien la beła stajon le porte le vegnea verte.
[modifica] La fauna
Le specie de peçi che ghè in tel lago jè piesè de trenta, una de łe quali la ghè solo che chi: el Carpione. Le altre specie piesè importanti jè: l'Agone, l'Alborella, l'Anguilla, la Bottatrice, la Carpa, el Cavedano, el Lavarello, el Luccio o Luzo, el Persego reale, la Tenca, la Trota e el gambero d'acua dolça.
[modifica] Robe curiose
El Lago de Garda l'è stà nominà in tanti laori leterari: tanto pa scominzsiar in tei carmi del poeta latino Catullo (che tralatro par ch'el gavese propio na villa in uno dei posti piesè bei del lago, e cioè la ponta de Sirmion), e dopo anca da Virgilio che anca lu l'era nato sempre lì par via, dałe parti de Mantoa, e ch'el gà scrito cosita:
 |
"Hinc quoque quingentos in se Mezentius armat, quos patre Benaco velatus harundine glauca Mincius infesta ducebat in aequora pinu." (Eneide - canto X, vv. 204-206)
|
(Che in Italian sarìa: 'Più anche cinquecento uomini che Mezenzio mena alla battaglia verso se steso; i quali, velato da suo padre Benaco con cannuccia bluastra, il Mincio porta per le onde in vascello ostile.')
e anca Dante el gà dedicà na terçina de cuełe sue:
|
"Suso in Italia bella giace un laco, a piè de l'Alpe che serra Lamagna sovra Tiralli, c'ha nome Benaco." (Divina Commedia, Inferno, canto XX, vv. 61-63)
|
[modifica] Gałeria de immagini
 Panorama da Riva del Garda |
 Scorcio dala Ponta de San Vigilio |
 Panorama da Nago-Torbole |
