Max Weinreich

Da Wikipedia, ła ençiclopedia libara.

Max Weinreich (nato nel 1893 a Kuldiga in Letonia e morto nel 1969 a Nova York) l'è stà un linguista, scritor, giornalista, politico e anca n'anema in pena che el sercava sempre robe nove.

Indice 1 Parché el se stàca da i altri 2 Un poco de biografia 3 La so atività in difesa e par la conosensa de l'Yiddish 4 El so insegnamento pi importante 5 I so libri 5.1 I so libri in Yiddish 6 Fonti interative

[modifica] Parché el se stàca da i altri

Par na frase: La lengua l'è un dialeto che la gà n'esercito e la marina^[1]. El par un moto che se dise in ostaria dopo qualche goto, invese l'è stà el motor de tanta parte de la so vita. Lu l'era ebreo e in fameja i parlava yiddish. El Yiddish i le parlava come lengua sua i ebrei che i stava in nord Europa. In pratica, partendo da robe sue, el gà meso el deo in un sentimento che se cata speso in Italia, dove la zente la gà come lengua madre na roba diversa dal talian. A cascada te cati dialeti che i è diversi de n'altro vizin e, se podarea dir, che i le considera un sotodialeto. Stando a casa nostra, nel senso de lengua, a Verona ghè un veneto che pur capendose gran ben l'è diverso dal venesian. Da na parte i poeti de i ultimi dosento ani no i a mai scrito con i grafemi del Veneto puro (da tante parte ghera solo na tradision oral e i a ciapa corajo de scrivar de novo da poco, in tanti posti de dove i parla veneto la trascision le solo con i carateri taliani) e da l'altra nei film de Roma se i cata un veronese o un vesentin i le fà parlar in venesian, come dapartuto fasendo finta che esista solo el dialeto de la cità pi importante. Credo che ghè sia pochi film dove i parla veneto de quel che ghè nel contado. A memoria se pol ricordarghene du: Rivano i gati dei Gati de vicolo Miracoli e El barbiere de Rio con Abatantuono che in una parte picenina ghè el Nini Salerno che i ghe lasa parlar el "sotodialeto" veronese.

[modifica] Un poco de biografia

Nel novantatrì, quando l'è nato, ne la Letonia de adeso, comandava l'Impero zarista ruso, lì ghera zente de madrelingua todesca lu l'era ebreo de madrelingua tedesca. Come tanti zoeni del so posto el diventa socialista. L'è na a far l'università a San Pietroburgo, catando zente che i le pensava come lù, cosita le entrado nel Bund, che l'era la Lega dei lavoratori ebrei, fra l'altro el primo partito socialista de tuto l'Impero ruso. El Bund, fiol de i so tempi, l'era più de un partito normale, el fasea de le squadre de autodifesa, el organisava sindacati e scole. Par de pi l'era contro a la utopia sionista. Lori i pensava da ebrei Yiddish, stemo ben chi, femo parte de ste società e no ghe bisogno par i ebrei de nar ia par star da soli.

Nel 1917 el va a Vilnius, adeso in Lituania, e dal 1921 al 1939 in Polonia. Vilnius i l'è ciamava Gerusalemme del Nord parché la gavea una grande comunità de ebrei e tanti i era visini al pensiero de Max Weinreich. I era ebrei che i se sentiva de cultura Yiddish e par quel ligadi a la so tera. La cità l'era el più importante concentrato de inteletuali ebrei de tuta Europa. A Nova York, dove el riva a guera pena scomisiada, el scrive, el insegna e el continua a laorar par la so creatura che vedemo soto. L'è ne la so nova cità che el vien fora con la frase importante. L'era a lesion e un studente el gà dimandà propio: Profesor, che diferensa ghè fra un dialeto e na lengua? e lù pol anca darse par una iluminasion de el momento ma che el serava tuto el so amor e i so studi el gà sgnacà: La lengua l'è un dialeto che la gà n'esercito e la marina

[modifica] La so atività in difesa e par la conosensa de l'Yiddish

L'à fondà nel 1924 l'YIVO (Istituto sientifico Yiddish) a Vilnius in Lituania, alora Polonia, dove l'à fato el diretor fin al 1939 quando l'è scapa in merica, par so fortuna no l'era mia a Vilnius alora, e pian pian l'è na a Nova York, parché era rivà i todeschi. Gran parte de el so laoro el la fato con so fiol Uriel che el la invià a esar un famoso linguista. Del primo consiglio diretivo sientifico ghe ne fasea parte parfin Freud. Con el ajuto de so fiol l'à codificà par la prima olta la lingua yiddish. A Nova York , dopo la fuga, el riorganisa un novo YIVO^[2] che el gà continuà l'atività de quel che i nasisti i gà ridoto in tochetini a Vilnius.

[modifica] El so insegnamento pi importante

Coi so comportamenti e i so scriti el par che l'abia lasà un sugerimento. Stà pi che te pol tacà a le to raise, se te le usi ben e te ghè servel te volarè pi in alto.

[modifica] I so libri

Se pol dividarli in do filoni, el primo l'è quel de storico el secondo de linguista, el l'à scriti tuti in Yiddish.

Dei do libri da storico i ghe n'à tradusesto solo uno in talian

• Professori di Hitler. Il ruolo dell'università nei crimini contro gli ebrei, il Saggiatore, 2003

Sto libro el l'avea scrito nel 1947, tanto par di i gà spetà ani par tradurlo parfin in inglese. L'è stà el primo libro che el parlava del raporto fra i omeni de coltura e i nasisti. L'è sta spunto par tuti quei che i gà scrito dopo su l'argomento. Drento al libro se cata Carl Schmitt, Karl Haushoffer e Martin Heidegger e sa i gà fato soto Hitler. Co sto libro el sa cavà un gropo par lu e par tuti i ebrei che ghè tocà scapar de corsa dai nasisti rinunsiando al laoro e a la so vita par poder salvar la menega.

[modifica] I so libri in Yiddish

Perdonè calché parola che no l'è mia in Yiddish, gnanca ne le altre Wikipedia i è riusidi a separarle dall'Yiddish:

1. Bilder fun der Yidisher literaturgeshikhte fun di onheybn biz Mendele Mokher-Seforim ; mit 12 reprod / : Maks Vaynraykh. 1928
2. Chrysander's Yiddish grammar of 1750. / Reproduced from the original with introductory remarks by Max Weinreich. 1958
3. Das Jiddische Wissenschaftliche Institut ("Jiwo") die wissenschaftliche Zentralstelle des Ostjudentu / : 1931
4. Der durkhgegangener veg : oytobiografye / mit a forvort fun M. Vaynraykh. 1950
5. Fun beyde zaytn ployt : dos shturemdike lebn fun Uri Kovnern, dem nihilist / Maks Vaynraykh. 1955
6. Geschichte der jiddischen Sprachforschung / Max Weinreich ; herausgegeben von Jerold C. Frakes. c1993
7. Di geshikhte fun beyzn beyz / [microform]. 1937
8. Geshikhte fun der Yidisher shprakh (History of the Yiddish language) : bagrifn, faktn, metodn / fun Maks Vaynraykh. 1973
9. Hitlers profesorn : heylek fun der Daytsher visnshaft in Daytshland farbrekhns kegn Yidishn folk. Nyu-York : Yidisher visnshaftlekher institut, Historishe sektsye, 1947.
10. Mayn heymshtetl Strikov ; geshikhtes fun a lebn in der alter heym un in Amerike / Avrohom Pinkhes Unger ; mit a forvort fun M. Vaynraykh. 1957
11. Mekhires-Yosef : ... aroysgenumen fun seyfer "Tam ve-yashar" un fun andere sforim ... / Maks Vaynraykh. 1923
12. Der Onheyb : zamlbukh far literatur un visnshaft / redaktirt fun D. Aynhorn, Sh. Gorelik, M. Vaynraykh. 1922
13. Oysgeklibene shriftn / Maks Vaynraykh ; [unter der redaktsye fun Shemu'el Rozshanski]. 1974
14. Der oytser fun der Yidisher sprakh / fun Nahum Stutshkov ; unter der redaktsye fun Maks Vaynraykh. c1950
15. Praktishe gramatik fun der Yidisher shprakh / / [fun] F. Haylperin un M. Vaynraykh. 1929
16. Shreib un grayzn a hantbikhl far . . . rikhtik oysleygn Yidish un speziel di Hebreishe elementn in d /: tsunoyfgeshtelt fun Dr. Maks Vaynraykh. 1926
17. Shtaplen fir etyudn tsu der Yidisher shprakhvisnshaft un literaturgeshikhte / fun Maks Vaynraykh. 1923
18. Shturemvint bilder fun der Yidisher geshikhte in zibtsntn yorhundert / fun Max Weinreich.
19. Di shvartse pintelekh / Max Vaynraykh. Vilne : Yidisher visnshaftlekher institut, 1939.
20. Di Yidishe visnshaft in der heyntiker tsayt/ fun M. Vaynraykh. Nyu-York : [o. fg.], 1941.

[modifica] Fonti interative

1. ↑ la frase en Yiddish
2. ↑ El sito de la organisasion YIVO