Po
Da Wikipedia, ła ençiclopedia libara.
| Po | |
|---|---|
 |
|
| Lunghezsa: | 652 km |
| Portata media: | 1540 m³/s |
| Bacino idrografico: | 71.000 km² |
| Altitudine deła sorxente: | m s.l.m. |
| El naxe: | Monviso (Piano del Re) |
| El sfocia: | Mar Adriatico |
| Paesi traversè: | Italia |
El Po (nà olta jera cìamà Eridano) xè el fiume pì longo de Itałia, queo cò la estenzsion de basin pì granda e cò la portata pì granda de acoe ała foce, eła minima (asołuta 270 m3/sec),ea mesa (1.540 m3/sec) ea masima (13.000 m3/sec). El score par 652 chiłometri atraverso l'Itałia setentrionałe dal ponente verso al oriente. La sò sorjente se trova a Pian deł Re, intel Monviso (nełe Alpi Cozsie), e dopo ver fato tuta ła Pianura Padana el se buta intel Mar Adriatico, intel teritorio deła provincia de Rovigo.
El bacin idrografego del Po el se destende sirca su 71.000 km² , da nà parte (quèła al nord) el xè impostà sułe Alpi, dal'altra parte al sud sul'Appenin Setentrionałe, de conseguenzsa el rejime del fiume el xè misto de tipo alpin (cò piene in primavéra e in ìstà e seche in inverno) e de tipo appeninico (cò piene in primavéra e in autuno e seche in istà). De serto tra i dò tipo de rejime prevałe queło apeninico parchè anca se i jasari alpini moła xò acoe in istà, xè proprio in stà stajon che se rejistra i minimi de portata (de sołito in agosto). Torno al bacin del Po vive sirca 16 miłioni de aneme che łe xè concentrà par pì de on terzso intel'industria e inteła produzsion agricoła nazsionałe, coxì come pì deła metà del patrimonio zootenico. Tuto questo rende el Po e el só bacino na xona nevralgica par l'intiera economia italiana e una de łe xone, in Europa, con ła màsima conçentrazsion de popołazsion, d'industria e de comercio.
Ała fine del só corso, el Po el fa un bel delta de 380 km², con centinaia de corsi d'acqua minori e 5 prinçipali (ciamè Po de Maestra, Po de ła Pila, Po de łe Tolle, Po de Gnocca e Po de Goro). In te un altro ramo secondario (el Po de Volano) se cata el porto de Ferara. El delta del Po el xe stà dichiarà patrimonio del'umanità dal'UNESCO.
In tel Medioevo el ramo prinçipale del delta el xera costituìo dal'atuale Po (morto) de Primaro, che pasa a sud de łe Vałi de Comàchio e che, dała metà del XVIII secolo, el xe deventà ła parte finale del fiume Reno (che na olta el xera anca lu afluente del Po) e nel quale el Reno stesso el xe stà fato pasar dopo de ła creazsion del Cao Benedettino.
El fiume el xe soto l'autorità de un magistrato speciale dito Magistrato de łe Aque.
Tra i afluenti del Po catemo:
- Varaita (da destra rispeto ała direzsion de l'acqua)
- Maira (da destra)
- Pellice (da sinistra)
- Dora Riparia (da sinistra)
- Stura di Lanzo
- Orco
- Dora Baltea
- Sesia
- Tanaro (da destra)
- Scrivia (da destra)
- Agogna (da sinistra)
- Ticino (da sinistra)
- Verzasca
- Lambro (da sinistra)
- Trebbia (da destra)
- Adda (da sinistra)
- Nure (da destra)
- Arda (da destra)
- Taro (da destra)
- Parma (da destra)
- Enza (da destra)
- Oglio (da sinistra)
- Mincio (da sinistra)
- Secchia (da destra)
- Panaro (da destra)
[modifica] Çità prinçipałi traversè dal Po
[modifica] Cartografia
Ła prima mapa del Po ła xe stà volùa da Napoleone. I cartografi francesi i gà quindi disegnà, dal 1811 al 1814, 38 tavołe de 600x866 mm, in scala 1:15.000, fate a china e colorè ad acquareło.
El trato disegnà el 'ndava dal'Adriatico fin a Ficarolo (tra Rovigo e Ferara).
L'opera cartografica ła xe stà quindi continuà con l'instaurazsion del Regno Lombardo-Veneto da parte dei Austriaci, che i gà disegnà el trato da Ficarolo fin ała confluenzsa del Ticino (1815).
Altre dó carte de 47 tavołe (530x889 mm) łe xe stà fate in tel 1821, e łe xe stà aggiornè tenpo dopo, una da Elia Lombardini (1853) e l'altra da Francesco Brioschi (1872).
Solo co l'Unità d'Italia se gavarà finalmente un'opera cartografica piessè conpleta del fiume, quando Francesco Brioschi (1887) el farà na nova mappa a stanpa da Moncalieri fin al delta. Sta mapa la xe in na tavoła unica (730x9000 mm) in scala 1:50.000, e ła xe doparà 'ncora deso par i agiornamenti e ła rapresentazsion del fiume.
[modifica] Cołegamenti forèsti
- Foto del Po
- Autorità de bacino del fiume Po
- Agenzsia Interegionałe par el fiume Po (AIPO): organismo diretto dałe Regioni Piemonte, Lombardia, Veneto e Emilia-Romagna per xestìr e tegner d'ocio tuto quel che concerne ła vita del Po.
