Prima guera mondial

Da Wikipedia, ła ençiclopedia libara.

Ocio: sta vóxe no ła rispèta łe Convenzsion de scritura. Jùtene a sistemarla, se te pol.

Sto articoło l'è sołamente 'no schizso (stub). Se ti pol dàne na man a finirlo indeso. Se ti pol da na man a mejorar secóndo łe convenzsion de Wikipedia. Par l'ełenco conpleto dei schizsi, varda ła categoria dei stub.

[modifica] Prima Guera Mondial

[modifica] E tre Batagie del Grapa

Antefato

Tuto scominsia co ła ritirata de Caporeto , efeto dea perdita nea 12° batagia dell'Isonso , e nea conseguente rotura del fronte. L'Esercito torna indrio e el se ferma sul Grapa , tra el Brenta e el Piave , novembre 1917. Dopo i primi giorni de sbandamento , ea ritirata se organisa megio per merito del General Luigi Cadorna . Serve renderse conto che i soldai gera stanchi morti,afamai e demoraisai. Tanti no i gaveva gnanca el fusil : el 91 . Quasi tuto : canoni mortai e munision i gera stai abandonai par far presto e non eser circondai. I austriaci , visto come ndava e robe , già i pensava de rivar in pianura e de meter e sate sue cità , paesi , e su tuto el ben de Dio che ghe gera nee campagne , senśa penśar che i gavaria ciapà i nostri Bocia ae spae sul Monteo e sul Piave. I Nostri Soldai , capia ea śitusion e tirae sù e maneghe , i costruì co tanta fadiga e tanti morti na nova inea difensiva per fermar na' volta par tute stì foresti.

1°-Ea Batagia de bloco.

Ea prima batagia par fermar i austro-ungarici ea śè divisa in do tempi : dal quatordeśe al vintiśie de novembre e dall'undese al vintiun de deśembre del 17. Dopo un vioento bombardamento de canoni , i austriaci tâca e nòve inee de difesa tra Cismon e el Piave. Ī mete in campo tuto queo che i gà :i grossi caibri , i spara fogo , e anca i gas asfisianti, e pian pianeo i scominśia a rosegar e primisime inee . Giorno dopo giorno,sempre più posti vien investii daea fanteria ( el Roncon , el Prasoean , Col Caprie ,el Pertega ,el Tomba ecc.). Stì Sacri monti vien ciapai e persi tante volte co' tante perdite fin al vintiśie novembre ,giorno che vede ea Brigada Aosta e soldai del batagion alpin "Val Brenta" butar fora dal Col dea Bereta ea divison "Edelweiss".

I austriaci i ģera de più , più riposai e in quel momento più caricai , ma i nostri Soldai ģera disperai per el pericoeo che coreva tutta l'Italia , e stà disperaşion fu eà forśa che impiśò l'altiśimo vaeor de tuti i fanti.

In stò momento intanto , riva i Francesi e i Nglesi per darne na' man ,dato che gerimo a corto de canoni e nè voeva calcośa per tirarne suśo el moral.

Gnanca el tempo de un cafè che i austro-ungarici tâca n'altra volta l'undeśe de deśembre. E se torna a coparśe sul Col dea Bereta , sul Col de l'Orso su l' Asoeon ,ecc.

I Nostri reśiste ,ma perdemo l'Asoeon e cuśì êori riva in vista de Baśan. Ma no śè finio , e el vintiun de deśembre i austriaci śe ferma e tuto pel momento tase.

Ea batagia de bloco eà śè nostra.

2°-Ea Batagia de difesa

Durante l' inverno col fredo .e forśe italiane organisa dei gran eavori de difesa sia sul teren che in rocia , sicure che co i primi caldi , saria scominśià ŀa eota. I eavori i śe pesanti e pericoeośi , dato che semo stai spenti aŀŀa fine deŀŀa Montagna verso Başan , e no ghe śè tanta tera da drio. Par fortuna o par merito , el Coeoneo del Genio Nicola Gavotti studia e inventa ea Galleria Vittorio Emanuele III : nà vera e propria strada drento ea Montagna de 5.000 metri tra el braso prinśipal e quei secondari. Questi i sboca sui fianchi del Grapa , co' postasion de artiglieria e posti de oservasion . Da staltra parte viceversa , i austro-ungarici se prepara coea 11° armada aea conquista del Grapa e , dopo averlo ciapà , riversarse suea pianura e ciapar ae spae e nostre difese sul Piave nel steśo momento che ea 5° e 6° armada austriaca e gavaria tacà frontalmente.

Ea Batagia del Solstiśio scominşia nea note del quindeşe giugno del diśdoto , da l' Astico al mar. In gergo miitar , usando tuti i canoni femo un gran tiro di contropreparazione in risposta al tiro di preparazione che gaveva scominsià i austro , easandoi de stuco.

Sul Grapa ghe śe un gran caigo , no se vede un tubo , e in quea situşion staltri tãca senśa eser visti , e in poco tempo i riva sul Col Moschin e anca fin sul Ponte San Eorenśo. Anca Cima Grapa vien tãcada da diverse diresion , e i Nostri no i ghe a fà a tegnirli : grandi scontri e tanti morti , aea fine i austro-ungarici se ferma suea diretrice Valderoa - Solarolo , riciapada dai Nostri el giorno dopo. Tuto o quasi śè tornà come prima , soeo che tanti Fioi dee dò parti no i ghe śè più.

In quea Epica batagia , ben siesentoquaranta medagie al Vaeor Miitar e fù dae ai Fanti ,Alpini , Arditi e Genieri .

Stò risultà fù nà' copada per i Austro-ungarici parchè i gera restai co poco magnar ,sensa abiti ,pochi rifornimenti e sensa più moral. I gaveva nasà ea vitoria e deso ea sconfita .