Blauwn reiger
From Wikipedia
| Blauwn reiger | |||||||||||||
|---|---|---|---|---|---|---|---|---|---|---|---|---|---|
 E blauwn reiger |
|||||||||||||
| Taxonomische indêlienge | |||||||||||||
|
|||||||||||||
| Sorte | |||||||||||||
| Ardea cinerea |
Blauwe reigers, mêestol geweune reigers enoemd, zyn grôte veugels die vôornkomn in verre hêel Europa, in Afrika en in Azië. Oek in West-Vloandern kuj ze up vele plekkn teegnkomn.
Inoud |
[bewerk'n] Uutzicht
Reigers zyn grôte veugels die verre e meiter lank komn. De vintjes en de wuvetjes verschilln in uutzicht nie va makoar. Van kleur zyn ze setoe grysde, buutn d'uutendn van nunder vlerken, die mêer blauwachtig en doenkerder zyn. A nundern kop enze e zworte striepe, die deurelopt in e plume. Nundern bek is gilf en ne kud oraje of rôodachtig uutsloan in poartyd.
[bewerk'n] Verspreidieng en leefgebied
Blauwe reigers komn vôorn in verre hêel Europa en in grôte stikkn van Azië en Afrika. In Amerika zit er e sôorte die der stief up trekt.
't Zyn veugels die eboendn zyn an woater, woa danze 't mêeste van nunder teetn zoekn. Ze stoan mêestol in woater da nie te diepe is en atter e visseltje passirt, schiet nundern kop no beneen en pakkn ze da visseltje me nundern bek.
Oel ier vien je reigers setoe an vyvers, boerepittn en meisn (natte wêen). In (grôot)stedelik gebied vien je z'oek dichte bien uuzn, up de buutn zyn ze mêestol vele schuwer.
[bewerk'n] Leevnswyze
[bewerk'n] Teetn
Z'eetn olle visschn die nie te grôot zyn, mor oek puutn, muuzn en klêne veugels.
Ze zyn deur vele visliefebbers nie geirn ezien omdanze wel eki duvn vis uut vyvertjes pakkn (goudvisschn, koi's,...). Doarom zyn der vele menschn met e vyver die der visdroad over spann of die e plastiekn reiger zettn (reigers leevn ollêne en goan toene dus nie landn).
[bewerk'n] Vôortplantienge
Reigers droagn nest in oge boomn of in riet, mêestol in kolonies. De wuvetjes leggn doa toene en ei of 5-6 in, die uutkomn achter 28 doagn. De twêe ouders oaln teetn, danze êest zevve upeetn en toene were uutspuugn.
[bewerk'n] Trek
Sommigte reigers bluuvn ier voen te overwientern, mo de mêeste trekkn in de wienter no't zuudn.
