Geert Bourgeois
From Wikipedia
Geert Bourgeois (Roeseloare, 6 juli 1951) is ne Belgische politieker en advocoat.
Geert Bourgeois wos volksvertegenwôordiger voe de Volksunie sedert 1995. En is begunn mè de N-VA (Nieuw-Vlaamse Alliantie) in 2001, achter dat de Volksunie uut makoar is gevolln. Bourgeois wos vôorstander van centrum-reks en kwam ni overêen mè Bert Anciaux die centrum-links wos. Van 2001 toet 2004 wos Bourgeois 'n êestn vôorzitter van de N-VA. In 2004 kwam Geert Bourgeois minister van Bestuurszoak'n, Butenlands Beleid, Toerisme e Media in de Vlamsche regering.
Bourgeois stoa bekend als e droogn piet en e dossierfretter. Moa vriend e vyand vindt em wel rechtlynig. Natuurlyk zeun der nog vele die de evolusie van 't woord 'onverwijld' nie verstoan ein en da in Bourgeois z'n schoenn willn scheuven.
In september 2006 escaleerde de slechte verouding tusschen Bourgeois, minister van Media, en Tony Mary, de boas van de VRT. De mêeste Vlamsche gazettn verwytn Bourgeois z'n starre ouding in 't conflict.
E zit ol sedert 1977 in de gemêenteroad van Yzegem, woavan 11 joar (1983 toet 1994) scheepn.
