Heist
From Wikipedia
Heist is e dêelgemêente va Knokke-Heist. Heist teldege in 1965, voor de fusie, 4.750 inweuners.
Heist-aan-Zee (oede noame, 19e eeuw) was al in de middleeuwn ne vischersdorp. In de 19dn eeuw was Heist vé grotr. Zêebrugge was e dêel van Heist, just lyk Dunbèrgn. Zêebrugge i ongeveer oenderd joar geleen an Brugge gegeevn.
Toe in de joarn tsjeventig kwam 't zêewoatr bie ôog tie toe an dn dyk. Mè de werk'n i Zêebrugge is ter vé zand ip 't strange van Heist gespoten gewist. Sedertiejn is ter deur de werkinge van ôog en loag tie nog vé zand biegekomn. 't Woater kom ol lange nie mi toe an dn dyk. Heist ed e vré brêed strange. Ip dn dyk zin sedert de joarn tsjeventig bykan al oed' uuzn (vele Belle Epoque me bel-étage) afgebrokn en vervangn deur appartementn. An den dik van Zêebrugge is ter vrêe vé zand bie malkoar gewoaid. Zovele zèls da ter ne spontoane dunvormink is gekomn. 't Is sedert kort nateurreservoat.
