Kalium
From Wikipedia
Kalium (K) es een scheikundig element van het type alkoalimetaal. Da wil onder andere zegn datjem links in de tabelle van Mendeljev stoat. Et eit 19 protoonn en dus ôok 19 electroonn in ongeloadn toestand. Vôors eit kalium ôok nog 20 neutroonn, wa da zyn atoomgewicht ip 39.0983 bringt.
[bewerk'n] Alkalimetoal
Gelik olle andere alkalimetoaln, eit kalium een electron tevele in zyn buutenste schille (zyn andere drie schilln zyn schôone ipgevuld me 2, 8 en nog ne kêe 8 electroonn). Doarom wilt kalium zyn electron ip overschot geirne dêeln mè andere in een ionische verbindienge. Een vôorbeeld doarvan es KCl, woarin da kalium zyn electron ofstoat an chloride, nen echtn electroonnacceptor.
[bewerk'n] Wuk kuje dome doen?
Kalium da zit ebetje overal in de wèreld, bievôorbeeld in oes lichaam. Da wordt oenderandere gebrukt vo ATP an te moakn via ne vre ingewikkeld systeemtjen da de Kalium-Natrium-pompe genoemd weirdt. (Natrium e trouwns ook e alkoalimetaal).
Mo voarts kuje me kalium nog etwa verschrikkelijk geestigs doen! Aje da in woater smiet, dan reageert da nogal heftih, en da is nog wel eke de moeite vo te zien! Me kriegen tan etwa glijk da ier:
K+ + H2O -> KOH + H+
En dan krijg je dus glijk nogal veel reactieve waterstof, en da is glijk nogal e betje gasexpantie en da ontploft tan glijk eh... vreet cool vo da eke te probern!
