Natuurlyk getal
From Wikipedia
De verzoamelienge van de natuurlyke getallen is de verzoamelienge die bestoat uut 0, 1, 2, 3, ... De verzoamelienge wordt angeduud deur 
. Het natuurlyk getal is de boasis van de algebra of getaltheorie, êen van de fundament'n van de wiskunde.
Sommigte zeggn da "0" nie derby meugt, omda de natuurlyke getalln op e natuurlyke maniere ontstoan zyn by 't tellen; en iederêen begunt te telln by 1.
Pak je by de natuurlyke getalln oek nunder evenkniejn oender nul (-1, -2,...), ton kryg je de gehêle getalln.
[bewerk'n] 0 t/m 100
| 0 | |||||||||
| 1 | 2 | 3 | 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 | 28 | 29 | 30 |
| 31 | 32 | 33 | 34 | 35 | 36 | 37 | 38 | 39 | 40 |
| 41 | 42 | 43 | 44 | 45 | 46 | 47 | 48 | 49 | 50 |
| 51 | 52 | 53 | 54 | 55 | 56 | 57 | 58 | 59 | 60 |
| 61 | 62 | 63 | 64 | 65 | 66 | 67 | 68 | 69 | 70 |
| 71 | 72 | 73 | 74 | 75 | 76 | 77 | 78 | 79 | 80 |
| 81 | 82 | 83 | 84 | 85 | 86 | 87 | 88 | 89 | 90 |
| 91 | 92 | 93 | 94 | 95 | 96 | 97 | 98 | 99 | 100 |
[bewerk'n] Geschiedenisse
De nateurlyke getalln zyn oentstoan by 't telln van vôorwerpn, minsn, ... 't Telln start dus by 1, 0 komt doa dus nie by te passe. In Babylonië en Egypte wierd er 'n systèèm oentwikkeld vo getalln up te schrievn me cyfers. In Egypte wos da vaneigens med iëroglyfen.
Loater wierd in Babylonië de nul bygevoegd. Zô woaren de têkens vo hoenderden, tienen, ... nie mêe nôdig: de platse van 't cyfer gift an of dat er hoenderden, tienen, ... bedoeld zyn. Moa 0 is toen nog oltyd gen apart, nateurlyk getal. De Babyloniërs gebruukten sichtend à peu pri 450 v. Chr. wel n têken vor 'n platse van nen nul, moa nie oe da 't êeste of 't latste têken in e getal is.
Algebra, in 't begun ollêne de studie van nateurlyke getalln, begost met de Grieken Pythagoras, Archimedes, Heron, Diophantus. In Indië, China en Midden-Amerika wierden oenafhankelyk doavan roend dezelfsten tyd gelykige studies gemakt.
De cyfers da me wyder gebruken, noemn we "Arabische cyfers" (in tegenstellienge toet "Romeinse cyfers"). Moa eigenlyk komn die cyfers van de Hindoes in India. Het tientallig stelsel(dus met 0) wos doar ol van 600 n.Chr. in gebruuk. En ze werktn ôok ol met negatieve getalln vo schulden were te geven! 't Êeste gebruuk dat bekend is, is van de Indische wiskundige Brahmagupta in 628 na Chr.
Pas in de joarn 15OO wierd in Europa 't gebruuk van de 0 olgemêen.
In 1889 gaf de Italioanse wiskundige Peano een definitie van de nateurlyke getalln met axioma's, gebaseerd up de theorie van verzoameliengn, woaby 't getal 0 ôok in de nateurlyke getalln zat.
